Är aptanyŋ soŋynda qalyptasqan ädet boiynşa Ortalyq kommunikasiialar qyzmetınıŋ alaŋynda el aimaqtarynyŋ äleumettık-ekonomikalyq damu körsetkışterı jariialanuda. Keşegı brifing qonaǧy Qyzylorda oblysynyŋ äkımı Qyrymbek Köşerbaev boldy.
«Oblys ekonomikasy, negızınen, mūnai-gaz jäne uran öndırısıne arqa süieude. Alaida, qazba bailyqtary sarqylyp, ken oryndaryn paidalanu merzımı aiaqtalyp keledı. Degenmen, mūnai öndıru kölemı azaiǧanymen, öŋdeu önerkäsıbındegı önım kölemın tömendetpei ūstap tūrmyz» dep sözın bastaǧan kürıştı ölkenıŋ basşysy aimaqta öndırıstıŋ özge salalaryn damytu josparlaryn aita kettı. Osy josparlar ıske asatyn bolsa, bolaşaqta Syr öŋırı ırı öndırıstı ölkege ainaluy mümkın. Mäselen, biyl «Şalqiia» ken ornynda quattylyǧy 4 mln tonnaǧa deiın baratyn tau-ken baiytu kombinatynyn qūrylysy bastalmaq. Qyzylorda qalasynda arnaiy jäne keşendı qorytpalardy öndıretın ferroqorytpa zauytyn salu da osy jyldyŋ enşısınde. Būl öndırıs oşaqtaryna mamandardy daiarlau qazırdıŋ özınde qolǧa alyndy. Äkımnıŋ aituynşa, oblys mektepterın biyl bıtırgen 130 tülek Reseidıŋ jäne Qazaqstannyŋ tehnikalyq oqu oryndaryna jıberıldı.
Öŋırge qatysty özge aqjoltai jaŋalyqtarǧa kelsek, Qyzylorda äuejaiy ötken qazan aiynda halyqaralyq därejesın ielendı. Sonyŋ arqasynda köpke ūzamai qyzylordalyqtar Beijın, Stambul, Mäskeu, Dubaiǧa tıkelei ūşuǧa mümkındık alady.
Aimaq medisinasy da damu üstınde. Oblystyq perinataldyq ortalyq paidalanuǧa berıldı. Donorlyq büirek almastyru jaǧynan Qyzylorda elımızdegı tört aimaqtyŋ qataryna kırdı.
Bılım beru salasyna toqtalsaq, «Balapan» baǧdarlamasy biyl 89 paiyzǧa oryndaldy. Kelesı jyly oblys 3-6 jas aralyǧyndaǧy balalardy mektepke deiıngı bılımmen qamtudy tolyq oryndaudy josparlap otyr.
Oblys «Aqbūlaq» baǧdarlamasyn oryndau körsetkışı boiynşa bırınşı orynda keledı. Ondaǧy eldımekender
71 paiyzǧa auyz sumen qamtylǧan.
Öŋırdegı tüitkıldı mäselelerge kelsek, ol, ärine, Baiqoŋyr men Aral. Byltyr oblys aumaǧyna Reseidıŋ «Proton» zymyrantasyǧyşy qūlap, aimaq halqyna ötemaqy tölenbei keledı. Qyrymbek Köşerbaevtyŋ aituynşa, būl mäsele osy aidyŋ aiaǧynda Resei ökılderınıŋ qatysuymen ötetın jiynda şeşılmek. Baiqoŋyrdaǧy mektepter de Resei standarttarymen bılım berıp keledı. Aimaq basşysyna sensek, kelesı jyldyŋ 1 qyrküiegınen Baiqoŋyrdaǧy 6 mektep Qazaqstan standarttaryna köşırıledı.
Araldy qalpyna keltıru jūmystary da jürgızılude. Qyrymbek Eleuūly būl üşın Elbasyna rahmet aituymyz kerektıgın jetkızdı. Memleket basşysynyŋ aralasuymen Araldyŋ soltüstık bölıgı qalpyna kelıp qaldy. Kelesı jyly būl jūmystardyŋ ekınşı kezeŋı bastalmaq. Qazırdıŋ özınde sudyŋ jaǧaǧa jetuıne 17 şaqyrymdai jer ǧana qalǧan eken.
Amanǧali ŞMİTŪLY
