2021 jyl – Qazaqstan üşın erekşe jyl: el Täuelsızdıgınıŋ 30 jyldyǧy merekelenedı. Osy jyldar ışınde saiasatta, ekonomikada, sport pen mädeniette äserlı nätijelerge qol jetkızıldı. Osynyŋ barlyǧy QR Tūŋǧyş Prezidentı – Elbasy Nūrsūltan Nazarbaevtyŋ jemıstı qyzmetınıŋ arqasynda mümkın boldy, eldıŋ igılıgı üşın tynymsyz eŋbek etıp jürgen üzdık mamandardy bırıktırgen türlı baǧyttaǧy köptegen ūiymdar qūryldy. Solardyŋ bırı 1998 jyly qūrylǧan Qazaq ūlttyq muzyka akademiiasy boldy.
Osy kezeŋde 60-tan astam tanymal älemdık universitettermen jäne akademiialarmen yntymaqtastyq damydy. Universitet qabyrǧasynda şyŋdalǧan studentterdıŋ talanttary 500-den astam bedeldı baiqaularda üzdık marapattarǧa ie boluǧa, bükıl älem boiynşa Qazaqstannyŋ imidjın nyǧaituǧa mümkındık berdı.
Täuelsızdıgımızdıŋ tıregı bolǧan bas qalamyz halyqaralyq festivalder men baiqaulardyŋ ordasy atanyp, önerdıŋ baitaq mekenıne ainaldy. «Şabyt», «Jas qanat» baiqaulary, Astana festivalı, K.Baiseiıtova atyndaǧy halyqaralyq änşıler konkursy dästürlı türde ötıp keledı. Elorda sahnasynda ataǧy jer jarǧan älem ärtısterı öner körsettı. Osyndai öner saiystarynda bızdıŋ tülekterımız de olja salǧanyn maqtan etemız. Dimaş Qūdaibergen, Rahat-Bi Äbdısaǧin, Sündet Baiǧojin, Aizada Kaponova, Saltanat Ahmetova, Aigül Niiazova jäne basqa da tülekterımızdı maqtan tūtamyz. Osynyŋ bärı täuelsızdıktıŋ arqasynda mümkın bolǧany sözsız. Bız üşın öner arqyly elımızdıŋ mereiın, elordamyzdyŋ märtebesın köteruden artyq baqyt joq dep oilaimyn.
Aiman MŪSAQOJAEVA
Qazaqstannyŋ Eŋbek Erı,
Qazaq ūlttyq öner universitetınıŋ rektory
