Mıne, Täuelsızdık alyp, Tuymyzdy tıgıp, el bolǧanymyzǧa – 30 jyl. Būl – ūly toi. Būl – ūlttyŋ baqyty.
Osy ūly kündı ata-babalarymyz, keşegı Alaştyŋ arystary – ūltyn süigen ūldar qanşama ǧasyr küttı. Osy jolda qanşama qan tögıldı. Qanşama ter tögıldı. Bügın mıne, Nūr-Sūltan qalasynyŋ törınen bükıl qazaq halqyna, barlyq qazaqstandyqtarǧa sälem joldap, osy ūlyq merekemen qūttyqtaimyn!
Kelesı jyly elordanyŋ Arqa tösıne köşkenıne 25 jyl tolady. Būl ekı toidy bölıp-jaruǧa bolmaidy. Sondyqtan aq qar, kök mūzda osydan 25 jyl būryn astana köşıp keldı. Onyŋ aldynda qiyn kezderge qaramastan, bızdıŋ Täuelsızdıgımızdıŋ tuy tıgıldı. Elbasy bastaǧan, el tızgının ūstap otyrǧan azamattar qalyŋ el bolyp bır jaǧadan bas, bır jeŋnen qol şyǧaryp, osy Täuelsızdıktı baiandy etu üşın qanşama ter töktı. Qazaq elı älemge tanyldy. Irgesı bekıdı. Astanasyn auystyryp, qazırgı Nūr-Sūltan qalasy Arqanyŋ tösınde alqa taqqandai myna jerdıŋ betı jarqyrap tūr. Būl – bızdıŋ ortaq quanyşymyz. Eldık mūratymyzǧa jetkendıgımızdıŋ belgısı. Otyz jyl beker ketken joq. Köp jetıstıkterge jettık. Osy quanyşpen, osy jeŋıspen qalyŋ eldı qūttyqtaǧym keledı!
Nesıpbek AITŪLY,
aqyn, QR Memlekettık
syilyǧynyŋ iegerı
