Senatta jaŋartylǧan qūramdaǧy «Öŋır» deputattyq tobynyŋ otyrysy öttı. Atalǧan toptyŋ jūmysyndaǧy negızgı baǧyttardyŋ bırı – Qazaqstannyŋ öŋırlerın damytuǧa qatysty ūsynystar äzırleu. Otyrysty aşqan Senat töraǧasy Mäulen Äşımbaev Memleket basşysy öŋırlerdı damytuǧa basa män berıp otyrǧanyn, soǧan bailanysty deputattardyŋ aldynda maŋyzdy mındetter tūrǧanyn aitty.
«Memleket basşysy öŋırlık saiasatty jetıldıruge, olardyŋ äleuetın jäne bäsekege qabılettılıgın arttyruǧa basa män berıp otyr. Taiauda ǧana Prezidentımız Ūlttyq jobalar tızbesın bekıtıp, Ükımetke naqty mındetter jüktedı. Ūlttyq jobalardyŋ bırı «Quatty öŋırler – el damuynyŋ draiverı» dep atalady. Osy oraida deputattyq top özıne berılgen ökılettıkter aiasynda Prezident tapsyrmalarynyŋ ıske asyrylu barysyna baqylau jürgıze alatynyn atap ötken jön. Sondai-aq osy salada zaŋnamalyq ūsynystar äzırleu mümkındıgın de paidalanǧan jön» dedı Mäulen Äşımbaev.
Senat spikerı Memleket basşysy biylǧy Joldauynda aitqan öŋırlık damuǧa qatysty basymdyqtarǧa da toqtalyp öttı. Sondai-aq otyrys kezınde öŋırlerdıŋ äleumettık-ekonomikalyq damuyndaǧy teŋsızdıkterdı azaitu, olardyŋ qarjylyq derbestıgın arttyru jäne urbandalu, auyldardy damytu, öŋırlerdıŋ infraqūrylymyn jaŋǧyrtu mäselelerı söz boldy. Mūnyŋ bärı Prezident Joldauynda belgılengen naqty mındetter ekenı belgılı. Is-şaraǧa qatysuşylar öŋırlerdı damytu mäselesı Senat jūmysyndaǧy negızgı basymdyqtardyŋ bırı ekenıne toqtaldy.
