Keşe «Otan qorǧauşylar» alaŋynda merzımdı äskeri mındetın atqaruǧa attanǧan 50 astanalyq azamatty şyǧaryp saluǧa arnalǧan «Eldı qorǧau – ūrpaq mındetı» atty äskeri-patriottyq şara öttı. Ūly Jeŋıstıŋ 70 jyldyǧyna orai ūiymdastyrylǧan saltanatty şara Memlekettık küzet qyzmetınıŋ prezidenttık orkestrı oryndaǧan änūranmen aşyldy. Astana qalasy äkımdıgı men Qorǧanys ministrlıgı atynan maidanda qaza tapqan jauyngerlerge taǧzym gülı qoiyldy.
Qazaqstan Qaruly Küşterınıŋ qataryn tolyqtyratyn äskerge şaqyruşylardy Ūly Otan soǧysynyŋ maidangerlerı,
jauynger-internasionalister, memlekettık jäne qoǧamdyq ūiymdardyŋ ökılderı, ata-analary, tuysqandary, dos-jarandary şyǧaryp saldy. Otan aldyndaǧy boryşyn öteuge attanyp bara jatqan jıgıtterge Ūly Otan soǧysynyŋ maidangerı Aleksei Frolov, «Halyq qaharmany», Mäjılıs deputaty Baqytjan Ertaev, Astana qalasy äkımınıŋ orynbasary Ermek Amanşaev, qalalyq Ardagerler keŋesınıŋ töraǧasy Amangeldı Syzdyqov jastarǧa tılekterın aitty.
– Qūrmettı jastar, bügın sızder Otan aldyndaǧy abyroily mındettı oryndauǧa attanyp barasyzdar. Äskerge baru – eldı qorǧau. Būl er jıgıttıŋ el-jūrtynyŋ aldyndaǧy qasiettı boryşy bolyp sanalady. Sondyqtan da komandir retınde aitarym, jauyngerlık antqa adal bolyp, märtebelı mındetterıŋdı abyroimen atqaryp kelulerıŋe tılektespın, – dedı B.Ertaev.
Saltanatty şara aiasynda jastarǧa äskeri tehnika körsetıldı. «Jelken» sahnasynda äskeri-patriottyq änder şyrqaldy. Osylaişa äsker qataryna alynǧan astanalyq jastar patriottyq ruhtary köterılıp, Otan aldyndaǧy mındetterın oryndauǧa attandy.
Ǧalym QOJABEKOV
