– Memleket basşysy Qasym-Jomart Toqaevtyŋ halyqqa arnaǧan Joldauy «Jaŋa Qazaqstandy» qūruǧa qajettı ıs-şaralardy jüzege asyruǧa jol aşatyn boldy.
Parlament deputattarynyŋ üşten bırı elımızdıŋ aimaqtarynan halyqtyŋ özı tıkelei sailaityny köptıŋ köŋılınen şyqty. Ol degenımız – halyq pen bilıktıŋ arasynda altyn köpır bolyp, eldıŋ mūŋ-mūqtajyn, şynaiy qalpyn, «qyzyldy-jasyldy» boiamasyz, turasyn aityp, azamattyq belsendılık tanytyp jürgen tūlǧalar Mäjılıs törınen oryn alady degen söz. Nätijesınde Ükımetke jükteler jūmystar ünemı qadaǧalauda bolyp, Prezidenttıŋ «Halyq ünıne qūlaq asatyn memleket» tūjyrymdamasyn naqty ıske asyruǧa mümkındık tuatyn bolady.
Joldauda «Jaŋa Qazaqstan» qūru maqsaty taiǧa taŋba basqandai tüsındırıluı bız siiaqty bılım-ǧylym ökılderıne de köp mındet jükteidı. Endıgı kezekte jas ūrpaqqa «Jaŋa Qazaqstan» qūrudyŋ basym baǧytyn baǧamdap, otanşyldyq ruhta tärbieleudı jaŋa mındetter tūrǧysynan tūjyrymdau kerek. Ol üşın bılım jäne ǧylym jūrtşylyq ökılderınıŋ qatysuymen qoǧamdyq tyŋdau ötkızıp, jaŋa mındet-maqsattardy mejeleuge tiıspız.
Bilıkke halyqtyŋ senımın arttyryp, eldıŋ qoldauyna ie boluy «Jaŋa Qazaqstan» qūrudyŋ basty mūraty ekenın tereŋ tüsınetın kez keldı. Endeşe elımızdıŋ ziialy qauym ökılderı jastardy otanşyldyq ruhta tärbieleude özındık ülesın qosa beretınıne senım mol.
Kärımbek QŪRMANÄLİEV, QR Ūlttyq ǧylym akademiiasynyŋ akademigı,
filologiia ǧylymdarynyŋ doktory, professor:
