Astana qalasy mäslihatynyŋ kezekten tys törtınşı sessiiasy öttı. Kün tärtıbınde elordany örkendetuge bailanysty köptegen mäseleler qaraldy. Atap aitqanda, 2011-2015 jyldarǧa arnalǧan Astanany damytu baǧdarlamasyn ıske asyru nätijelerı, qalanyŋ 2015 jylǧy biudjetınıŋ atqaryluy turaly baiandama jasaldy.
2011-2015 jyldarǧa arnalǧan Astana qalasyn damytu baǧdarlamasyn ıske asyru nätijelerıne taldau jasaǧan qala äkımınıŋ orynbasary Andrei Lukin ekonomikanyŋ damuy, äleumettık sala, infraqūrylymdyq keşender, ekologiia jäne memlekettık basqaru siiaqty strategiialyq maŋyzdy baǧyt boiynşa qol jetken jetıstıkterge şolu jasady. Eseptı merzımde Astana qalasynyŋ öŋırlık jalpy önımınıŋ kölemı 1,6 ese artyp, eseptı jyldyŋ basyndaǧy 1,8 trln teŋgeden 4,5 trln teŋgege jetken. Osy jyldary qala ekonomikasyna 3,2 trln teŋge investisiia qūiylǧan, būl – 1997 jyldan berı tartylǧan kapital salymynyŋ teŋ jartysy. 2015 jyly jyldyq investisiianyŋ kölemı 1,5 ese ösken, iaǧni, 397 mlrd teŋgeden 773 mlrd teŋgege deiın jetken. Al jeke şaruaşylyq subektılerınıŋ ülesı 2010 jyly 26 paiyzdan 55 paiyzǧa ösken. Sonymen qatar, memlekettık biudjettıŋ şyǧyndary 59 paiyzdan 30 paiyzǧa deiın qysqarǧan.
Ötken jyldyŋ biudjettık saiasatynda da özgerıster bar. 2015 jyly jergılıktı biudjetke menşıktı kırısterdıŋ tüsımderı boiynşa jospar 104,7 paiyz oryndalyp, qalanyŋ qarajat qorjynyna jospardan tys 8 572,5 mln teŋge tüstı. Onyŋ ışınde salyq tüsımderı 103,8 paiyzǧa artyǧymen oryndaldy, iaǧni, josparlanǧany – 164 482,6 mln teŋge bolsa, naqty tüskenı – 170 739,7 mln teŋge. Salyqtyq emes tüsımder boiynşa jospar 101 paiyzǧa, nemese 69,8 mln teŋgege artyǧymen oryndaldy. Negızgı kapitaldy satudan tüsken tüsımder esebınen 122,1 paiyz, iaǧni, 2 244,9 mln teŋge artyǧymen oryndalǧan.
Mäjılıs deputattarynyŋ talqysyna salynǧan kelesı mäsele – elordanyŋ äkımşılık şekarasyn özgertu jaiy boldy. Būl jönınde Astana qalasy Jer qatynastary jäne jerdıŋ paidalanyluy men qorǧaluyn baqylau basqarmasynyŋ basşysy Töleuǧazy Nūrkenov baiandama jasady. Ol Ūlttyq panteonnyŋ qūrylysy men qalalyq zirattyŋ qūrylysy üşın qala şekarasyn keŋeitu mäselesın köterdı. Odan bölek, jaŋa terminal salu jäne Astana halyqaralyq äuejaiynyŋ ūşu-qonu jolaǧyn qaita jobalau jäne tūrǧyndardyŋ demalys ornyna ainalatyn Maibalyq kölı aumaǧyn qalanyŋ äkımşılık aumaǧyna alu mäselesı de söz boldy.
Aigül UAISOVA
