Kün suytqaly Astanadaǧy Belgılı tūraǧy joq adamdarǧa arnalǧan äleumettık beiımdeu ortalyǧyna keluşılerdıŋ sany artty. Bügınde mūnda 126 adam tırkelgen.
«Toǧyzyn auruhanalarǧa jıberdık, al qalǧan 116-syn tamaqtandyryp otyrmyz. Bärınıŋ de üi-küiı joq» deidı Belgılı tūraǧy joq adamdarǧa arnalǧan äleumettık beiımdeu ortalyǧy direktorynyŋ äleumettık mäseleler jönındegı orynbasary Dinara Şapina.
«Syrqattardy auruhanaǧa jatqyzamyz. Bızde türlı adamdar keledı. Qūjatsyz bolsa bır jyl, basqa jaqtan kelse bır ai boiy bızde qalady» deidı Dinara Şapina.
Onyŋ aituynşa, belgılı tūraǧy joq adamdardyŋ keibırı mekemege özderı kelse, qalǧanyn qūqyq qorǧau organdarynyŋ nemese jedel medisinalyq kömek qyzmetınıŋ qyzmetkerlerı alyp keledı.
Aita keteiık, būl mekeme 2001 jyldan berı panasyz, käsıbı jäne tırşılık etu qarjysy joq tūlǧalarǧa äleumettık, medisinalyq jäne basqa da kömekter körsetu, sonymen qatar, Astana qalasynda kriminogendık jaǧdaidy qysqartu jäne sanitarlyq-epidemiologiialyq, qoǧamdyq tärtıptı qamtamasyz etu maqsatynda qyzmet etedı.
Ötken jyly atalmyş mekemege 1275 adam kelıp tüsken. Onyŋ 300-ınde ǧana jeke qūjaty bolsa, qalǧan 984-ınde jeke basyn rastaityn qūjaty bolmai şyqqan. Ortalyq solardyŋ 134-ınıŋ qūjatyn qalpyna keltırıp, 10 adamnyŋ «qyzyl pasporty» jeke kuälıkke auystyrylǧan. Al, 92 azamat ortalyqtyŋ küşımen jūmysqa ornalastyrylǧan.
Qaŋǧybastar qamytyn kigenderdıŋ jeteuı Qarttar men mügedekterge arnalǧan äleumettık medisinalyq mekemege ornalasyp, tūraqty jaiyn tapty. 55 adam densaulyǧyna bailanysty mügedektıkke räsımdelıptı. Al 63 azamatqa jasyna bailanysty zeinetaqy men mügedektıgıne qatysty äleumettık tölemder aluyn qamtamasyz etken. Osy kezeŋde respublikanyŋ özge aimaqtarynan kelgen 310 adam kelgen jerlerıne qaitarylǧan. Aǧaiyndarynan qol üzgen jüz adamnyŋ jaqyndarymen bailanysyp, tuystarynyŋ alyp ketuıne qol ūşyn berıptı. Eşqandai tuysy tabylmaǧan 60 azamat özderı tırkelgen basqa oblystardaǧy balamaly äleumettık oryndarǧa jetkızılgen.
– Kün saiyn dispetcherımız barlyq tırek punktterımen, PİK, qala vokzaldarymen bailanysady. Eger belgılı tūraǧy joq adamdar anyqtalsa, olardy mekememızge aldyrtuǧa tyrysamyz. Qala boiynşa 9:00-den 22:00-ge deiın jūmys ısteitın mobildı äleumettık jasaǧymyz bızdıŋ qarauymyzdaǧy sanatqa kıretın adamdardy jyldam jetkıze alady. Mūnda olarǧa medisinalyq kömek körsetılıp, äleumettık ahualyna taldau jasap, körsetıletın qyzmettı belgıleimız, – deidı astanalyq Belgılı tūraǧy joq adamdarǧa arnalǧan äleumettık beiımdelu ortalyǧy direktorynyŋ äleumettık mäseleler jönındegı orynbasary Dinara Şapina.
Osylaişa, qūrdymǧa ketkenderdı qūtqaru üşın ortalyq qoldan kelgen bar mümkındıkterdı qarastyryp otyr.
Mädina JAQYP
