Prezidenttıkke Jalpyūlttyq sosial-demokratiialyq partiiasy atynan ümıtker Nūrlan Äuesbaev Şymkentke arnaiy saparmen bardy. Eŋ aldymen aimaqtyq sailaualdy ştabqa at basyn būryp, partiia aktivımen kezdestı. Odan keiın azamattardy qabyldady.
Osy kezdesuler barysynda Nūrlan Äuesbaev JSDP belsendılerın özınıŋ sailaualdy baǧdarlamasynyŋ negızgı tarmaqtarymen tanystyrdy. Qūjatta elımızdegı saiasi reformalarǧa airyqşa nazar audarylǧanyn atap öttı. Ümıtkerdıŋ pıkırınşe, «Aldymen ekonomika, keiın saiasat» strategiiasy tiımsız bolyp şyqty. Partiialyq-saiasi örıstı tolyqqandy reformalau qajet.
Kezek küttırmeitın taǧy bır özektı mäsele – ekonomikaǧa tūsau bolyp otyrǧan jemqorlyq. Būl jaǧymsyz qūbylysty joiu üşın JSDP-dan ümıtker paraqorlarǧa qatysty jazany barynşa qataitudy ūsynady. N.Äuesbaevtyŋ pıkırınşe, sybailas jemqorlyq qylmysy üşın sottalǧandardy merzımınen būryn bosatu qūqyǧynan aiyru qajet.
Biudjet qarajatynyŋ bölınuıne qatysty halyqtyq baqylau ornatylǧan kezde ǧana sybailas jemqorlyqpen küresuge bolady. Nūrlan Äuesbaevtyŋ paiymdauynşa, ol üşın elge oligarhtardyŋ emes, halyqtyŋ türlı toptarynyŋ qyzyǧuşylyqtaryn qorǧaityn küştı bır palataly Parlament qajet.
«Būl jerde basty nazarda oligarhtardyŋ qyzyǧuşylyǧy, müddesı emes, qarapaiym halyqtyŋ äleumettık jaǧdaiy bırınşı orynda tūruy tiıs dep oilaimyn. Qazırgı kezde qatardaǧy qazaqstandyqtardyŋ kedeilenuı etek aluda. Azyq-tülık baǧasynyŋ üzdıksız ösuı qalypty jaǧdaiǧa ainalyp kettı. Bız būlardyŋ bärıne közımızdı jūmyp qaramai, qazırden bastap ıs-qimylǧa köşuımız kerek» dedı ümıtker.
