– Biyl «Nūr Otan» partiiasynyŋ qūrylǧanyna 20 jyl tolyp otyr. Partiia özınıŋ baǧdarlamasynda alǧaşqy künnen bastap qoǧamdaǧy äleumettık mäselelerdı nazardan tys qaldyrǧan emes. Elbasynyŋ sözımen aitqanda, «Nūr Otan» partiiasy būl – elitarlyq partiia emes, kerısınşe, halyqtyŋ mūŋ-mūqtajyn, halyqty äleumettık jaǧynan barynşa qorǧaityn būqaralyq partiia. Bügıngı sezde «Nūr Otan» partiiasy taǧy da özınıŋ basty baǧyty – äleumettık baǧyty ekenının däleldep, qazaqstandyqtardyŋ ömır sapasyn arttyru jūmysyna erekşe nazar audardy. Naqtyraq aitqanda, «Nūr Otan» partiiasy el ışındegı äleumettık salaǧa qatysty mäselelerdı taldap, 2030 jylǧa deiıngı özınıŋ damu baǧdarlamasyn ūsyndy. Baǧdarlamada halyqqa 2019-2021 jyldar aralyǧynda är balaǧa berıletın jeke äleumettık kömek kölemın kem degende 21 myŋ teŋgege deiın köteretındıgın jäne qūjat jinau barysynda halyqty äure-sarsaŋǧa salmai «bır tereze» qaǧidasymen qyzmet körsetu, köpbalaly otbasyna baspana alu üşın tömen 2-3 paiyzben nesie beru sekıldı, äleumettık maŋyzy bar ıs-şaralar qabyldaityny turaly aityldy. Osy maqsatta ūlttyq qordan jäne ükımet tarapynan 4,3 mlrd qosymşa qarjy bölınetın boldy.
Sonymen qatar, «Tuǧan jer», «Qūtty meken» jobalaryn bırtındep jüzege asyratyny turaly Elbasy mälımdedı. Qazaqstan halqynyŋ ömır süru deŋgeiın jaqsartu üşın qala men auyldy jerlerdıŋ aiyrmaşylyǧyn azaitu, ol üşın auyldy jerlerde käsıpkerlıktı damytu turaly tapsyrma berıldı. Osynyŋ barlyǧy da partiianyŋ būdan 20 jyl būryn qabyldaǧan äleumettık saiasattan auytqymaityndyǧyn taǧy da bır körsettı.
Aita ketetın taǧy da bır mäsele, Elbasy sezde bılım men densaulyq saqtau salasyna da toqtalyp kettı. Bılım salasynda üş tıldılıktı odan ärı jalǧastyru kerektıgın, bıraq ta, būl ıste baiyppen oilanyp äreket etudı tapsyrdy. Densaulyq salasynda da alǧaşqy medisinalyq kömek körsetu punkterın barynşa köbeitu kerektıgıne toqtalyp öttı. Bır sözben aitqanda, Konstitusiiada körsetılgendei, Qazaqstan özın äleumettık memleket retındegı barlyq jauapkerşılıkterın jalǧastyra beretındıgı turaly aityldy.
