Alaida qalanyŋ barlyq medisinalyq ūiymdary jüktı äielderdı, bala emızetın analardy, laktasiia kezeŋındegı äielder men balalardy vaksinalau nauqanyna qatyspaidy. Nūr-Sūltan qalasynyŋ Densaulyq saqtau basqarmasy Pfizer vaksinasy salynatyn medisinalyq ūiymdar tızımın ūsynyp otyr:
– qalalyq №1, 2, 3, 4, 5, 6, 7, 8, 9, 10, 11, 12, 13, 14, 15 emhanasy;
– «Dostyq» otbasylyq densaulyq ortalyǧy;
– «Janūia», «Salauatty Astana», «Şipager», «Kirovskaia» JŞS (barlyq filialdary). Pfizer ekpesın aluǧa niet bıldırgender arasynda jüktı äielder, bala emızetın analar, balalar jäne jasöspırımder boldy. «Qazaqstanǧa Pfizer preparaty jetkızıletının bılgende aiaǧym auyr bolatyn. Ekpe alatyndar qataryna ılıkkenıme qatty quandym. Vaksinasiia öz densaulyǧyŋyzdy da, jaqyndaryŋyz ben ainalaŋyzdaǧy adamdardyŋ densaulyǧyn da qorǧauǧa mümkındık beredı. Soŋǧy mälımetter boiynşa balalar men jüktı äielder koronaviruspen jiı auyra bastady. Öz basym densaulyq pen qauıpsızdıktı qoldaimyn!» dep bölıstı Gülfairuz Ysqaqova. Al L.Gumilev atyndaǧy Euraziia ūlttyq universitetınıŋ 1-kurs studentı Törejan Tūrsyn ekpe alu turaly şeşımdı bırden qabyldapty. «Osy jazda otbasymyzben auyrdyq. Aurudy öte auyr ötkızemız dep oilamaǧan edım. Köp ūzamai oquym bastaldy, oflain oquǧa şyqtyq. Eger vaksinasiialanbasam, aǧzamdy qorǧamasam, qaitadan auyryp qaluym mümkın ekenın bılemın. Ekpe aludan qoryqqan emespın. Men üşın eŋ qorqynyştysy – qaita auyru» deidı 17 jasar student nyq senımmen.
Osyǧan ūqsas pıkırdı jaqyn arada ana atanǧaly jürgen Äsel Adamova da aitady. «Elımız ǧana emes, bükıl älem būl viruspen qanşa uaqyttan berı küresıp keledı. Qauıpke jüktı äielder de, kışkentai balalar da ūşyrai bastady. Jaŋa ömır esıgın aşatyn balamnyŋ densaulyǧy da, öz densaulyǧym da maŋyzdy. Sol sebeptı ekpe aluǧa keldım. Ekpeden qandai da bır qauıp körıp tūrǧan joqpyn. Men üşın aldyn alu men qorǧanu äldeqaida maŋyzdy. Eŋ qorqynyştysy – auyryp qalyp, alda ne kütıp tūrǧanyn bılmeu. Men bärın ekpenı tezırek aluǧa şaqyramyn» dedı bolaşaq ana. Al №75 mektep-gimnaziianyŋ medisinalyq punktıne 15-17 jas aralyǧyndaǧy alty jasöspırım ekpe aluǧa keldı. Olardyŋ aituynşa, vaksina ǧana adamdy virus jūqtyrudan qorǧai alady. Esterıŋızge sala keteiık, elorda boiynşa Pfizer preparatymen vaksinasiialauǧa jatatyndar arasynda 5 myŋ jüktı äiel, 28 myŋ bala emızetın äiel adam, sondai-aq 63 myŋ bala bar.
