Demalys künderı futboldan Qazaqstan chempionatynyŋ premer ligasynda kezektı turdyŋ oiyndary öttı. Match aldynda astanalyq Marin Tomasovqa Qazaqstan futbol federasiiasynyŋ «Qyrküiek aiynyŋ üzdık futbolşysy» syilyǧy tabys etıldı.
Kezektı turda chempionat kestesınıŋ basyndaǧy «Qairat» pen «Astana» jeŋıske jetıp, ekeuı de altynǧa talasatyn mümkındıkterın saqtap qaldy. «Qairat» öz alaŋynda «Tobyldy» 2:0 esebımen jeŋse, astanalyqtar «Aqtöbe» komandasyn 5:0 esebımen tıze büktırdı. Būl oiynda Marin Tomasov, iaǧni bır oiynda, qatarynan tört gol soǧyp, «poker» jasady! Söitıp, serbiialyq legioner chempionattyŋ mergender tızımınde suyrylyp alǧa şyqty. Al «Aqtöbe» qaqpasyna soŋǧy besınşı goldy Serıkjan Mujikov soqty.
Marin Tomasov osy chempionat barysynda qarsylastar qaqpasyna 19 gol soǧyp, 14 ret nätijelı pas berdı. Europa ligasynda da üzdıkter qatarynan ataldy.
«Astana» kelesı oiyndy 30 qazanda Kökşetauda «Oqjetpes» komandasymen ötkızedı. Būl astanalyqtardyŋ Europa ligasyna qatysuyna qatysty keiınge şegerılgen 25-turdyŋ oiyny bolady.
Al soŋǧy ekı turdyŋ oiyndaryn «Astana» 3 qaraşada Qostanaida «Tobylmen», al 9 qaraşada elordada «Ertıspen» ötkızedı. «Qairat» bolsa 3 qaraşada Pavlodarda «Ertıs» komandasymen oinasa, al soŋǧy turda öz alaŋynda «Atyrau» komandasyn qabyldaidy. Osy oiyndardyŋ nätijesınde Qazaqstan chempiony anyqtalatyn şyǧar. Al qola jüldege «Ordabasy» men «Tobyl» talasqaly tūr.
