Keşe Astana qalasynyŋ Jergılıktı polisiia qyzmetı basşylyǧy Qazaqstan Ükımetınıŋ qaulysymen bekıtılgen erejege säikes halyqpen esep beru kezdesuın ötkızdı.
Alqaly jiyndy Astana qalasy Qoǧamdyq keŋesınıŋ töraǧasy Sansyzbai Esılov aşyp, jürgızıp otyrdy.
Qala tūrǧyndarymen esep beru kezdesude Jergılıktı polisiia qyzmetınıŋ bastyǧy, polisiia polkovnigı Baqytjan Malybaev «Jergılıktı polisiia qyzmetınıŋ 2017 jyly atqarǧan jūmystary turaly» esep berdı.
Künı-tünı tynbaidy
Bügıngı taŋda qalanyŋ Jergılıktı polisiiasy qyzmetınde bır myŋ bes jüz adam jūmys ısteidı. Tūrǧyndar sanynyŋ jyldan-jylǧa öse tüsuıne bailanysty qyzmetkerlerdıŋ jetıspeuşılıgı aiqyn aŋǧarylyp otyr. Bır uchaskelık inspektor talap boiynşa 250-300 adamǧa qyzmet körsetuı kerek bolsa, elordada är uchaskelık inspektorǧa 600-700 adamnan keledı eken.
2017 jyldyŋ ötken on bır aiynda Jergılıktı polisiia qyzmetı köşeler men halyq köp jüretın qoǧamdyq oryndarda, saiajai alqaptarynda qūqyq būzuşylyqtyŋ aldyn alu maqsatynda 250-den asa reid ötkızdı. Äsırese, jekelegen adamdarmen tüsınık, ügıt-nasihat jūmystary dendep jürgızıledı. Sonyŋ nätijesınde qoǧamdyq oryndarda jasalatyn qylmys – 12,2 paiyzǧa, köşelerde kez kelgen jerge temekınıŋ tūqylyn tastau, şemışke şaǧu, syra ışu siiaqty ūsaq qūqyq būzuşylyq – 22,7 paiyzǧa, jasöspırımder arasyndaǧy tärtıp būzuşylyq – 36,3 paiyzǧa, būryn sottalǧandar tarapynan jasalatyn qylmys 22,8 paiyzǧa azaiyp otyr.
Eseptı kezeŋde elorda köşelerınde 183 myŋ jol erejesın būzu faktısı tırkelıp, 1900 jürgızuşı kölıktı mas küiınde basqarǧany üşın jauapqa tartylǧan.
«Sergek» beinekamera jüiesı jūmys ıstegelı elorda köşelerınde jol erejesı men qoǧamdyq tärtıptı būzu oqiǧalary bırşama azaiǧan. Mäselen, qoǧamdyq oryndarda tärtıp būzu ötken jyldyŋ osy kezeŋınde 1380 bolsa, biyl ol 872-ge deiın kemıp otyr.
Bügınge deiın qoǧamdyq kölıkterge arnalǧan arnauly jolaqtarmen jürgen 11000-nan asa jol erejesın būzuşylyq tırkelıp, osyǧan orai, 63 million teŋgeden asa aiyppūl salynǧan.
Jalǧa päter beruşı – jeke käsıpker
Qala aumaǧynda ekı kezeŋde «Uchaske» şūǧyl aldyn alu ıs-şaralary jürgızıldı. Baqytjan Malybaevtyŋ aituynşa, alǧaşqy 15 nauryzdan 1 mausymǧa deiıngı jūmystar jergılıktı polisiia qyzmetınıŋ öz bastamasymen qolǧa alynyp, jan-jaqty ūiymdastyrylsa, ekınşı kezeŋdegı jūmystardy jürgızuge Işkı ıster ministrlıgı yqpal etken körınedı. Mıne, osy «Uchaske» ıs-şarasy kezınde uchaskelık inspektorlar 260 myŋ päter men 27800 jekemenşık üilerdı aralap, üi ielerımen, päter jaldauşylarmen kezdesuler ötkızgen. Köşı-qon tärtıbın būzuşylar äkımşılık jauapkerşılıkke tartylyp, köptegen adamdardyŋ tūrǧylyqty jerlerıne esepke tūruyna mümkındıkter jasalǧan.
Mäselen, osy ıs-şara kezınde 10 myŋǧa tarta jalǧa berılgen päter anyqtalyp, 2516 zaŋdy tūlǧa jeke käsıpker retınde tırkelse, 1220 adam deklarasiia türınde kırısın körsetken. Odan memleketke 90 mln 105 myŋ teŋge qarjy tüsıp otyr.
Ūrlyq jasaǧandar ūstaldy
Bügıngı taŋda elordada päter ielerı kooperativterı ştatynda 182 konserj ben qoǧamdyq kömekşı jūmys ısteidı eken. 850-den asa adam polisiiaǧa qolǧabys berıp, belsendılık tanytuda. Solardyŋ kömegımen jyl basynan berı 1129 äkımşılık qūqyq būzuşylyq anyqtalyp, 218 adam ışkı ıster basqarmalaryna jetkızılgen. Mıne, osyndai qylmys pen ūsaq qūqyq būzuşylyqtyŋ aldyn aluǧa järdemın tigızgenderge qala äkımdıgı de qoldau bıldırıp, olardyŋ qoǧamdyq tärtıp pen qauıpsızdıktı saqtaudaǧy eŋbekterın baǧalap, kötermeleu üşın 13 million teŋge qarjy bölıp keldı.
Vokzal maŋy – baqylauda
Sondai-aq, temır jol vokzaly maŋyndaǧy köşelerde, Ş.Aimanov, 16, Dükenūly, 38, Bögenbai batyr, 59, Saryarqa daŋǧyly, 43 üidıŋ aulalary airyqşa baqylauǧa alynǧan. Ärı osy jerde ornatylǧan beinekameralar qala äkımdıgınıŋ jaǧdaidy baqylau ortalyǧymen tıkelei qosylǧandyqtan, dabyl qaǧylǧan kezde şūǧyl äreket etu toby bırden kömekke keletın bolady.
Būl, äsırese, jekenıŋ mülkın ūrlauǧa bailanysty jasalatyn qylmystardyŋ aldyn alu üşın jasalatyn maŋyzdy qadamdar. Qoǧamdyq oryndarda ışımdık ışıp alyp, tärtıp būzuǧa bailanysty üstımızdegı jyly 18 myŋnan asa äkımşılık hattamasy toltyrylǧan. Osy baǧytta keşkı 21.00 saǧattan keiın, taŋerteŋ saǧat 11.00-ge deiın jasy 21-ge tolmaǧan jas adamdarǧa alkogol ışımdıkterın satuǧa tyiym salu talaptaryn oryndamaityn satuşylarǧa qatysty qataŋ şara qoldanu kerektıgı, söz joq, qoldarlyq ūsynys.
Uchaskelık inspektorlarda damyl joq
Aǧymdaǧy jyly otbasynda bolatyn zorlyq pen zombylyqtyŋ aldyn alu üşın de bırqatar jūmystar atqarylypty. Aşy suǧa toiyp alyp, otbasynyŋ mazasyn alatyndar, qala berdı, äielıne, bala-şaǧasyna qol köteretınder sany qalada azaimai keledı. Olarmen jūmys jürgızude uchaskelık inspektorlardyŋ jūmysy būrynǧy qai kezden de jandana tüsken. Osyndai 18 qylmystyŋ 11-ı mas küiınde jasalatyny anyqtalyp otyr.
Būl baǧytta bügıngı künı 4000-ǧa tarta qylmys tırkelıp, olardyŋ barlyǧy da uchaskelık polisiianyŋ baqylauyna alynǧan. Jyl basynan berı ışımdıkke salynyp, otbasy men körşı-kölemnıŋ bereketın alǧan 800-den asa adammen tüsınık baǧytynda jūmystar jürgızılgen. 1370 adam äkımşılık jauapkerşılıkke tartylǧan.
Qala tūrǧyndarymen esep beru kezdesuı soŋynda Baqytjan Malybaev Jergılıktı polisiia qyzmetınıŋ jūmysyna belsene aralasyp, azamattyq ūstanym tanytqan bırneşe adamǧa alǧys hattar men baǧaly syilyqtar tapsyrdy.
Taŋatar TÖLEUǦALİEV
