JALAQY AIYRMASY ÄŊGIME BOLDY
Qazaqstan käsıpodaqtar qauymdastyǧy atynan Prezidenttıkke ümıtker Amangeldı Taspihov Atyrau jäne Almaty oblysyndaǧy eŋbek ūjymdarymen kezdestı. Atyrauda ümıtker mūnai-gaz salasy jäne biudjettık mekemelerdıŋ ökılderımen ügıt-nasihat jūmystaryn jürgızdı. Jüzdesude basşylyq pen qatardaǧy jūmysşylardyŋ arasyndaǧy jalaqy aiyrmasy äŋgıme boldy.
Atyrau oblysynyŋ käsıpodaqtarynda 80 myŋnan asa adam bar. Bügıngı taŋda ırı mūnai holdingterı de käsıpodaq ūiymdaryn aşqan. Alaida mūnai-gaz salasynyŋ enşıles ūiymdarynda qordalanǧan mäsele köp. Sonyŋ bırı – eŋbek tehnikasy qauıpsızdıgınıŋ būzyluy. 2018 jyly Atyrauda 17 öndırıstegı qaiǧyly oqiǧa tırkelgen. Ümıtker osy jaǧdaidy tübırımen özgertkısı keletının aitty.
SAILAUALDY TŪǦYRNAMASY TANYSTYRYLDY
30 mamyrda QKHP-nyŋ atynan Prezidenttıkke ümıtker Jambyl Ahmetbekovtıŋ senımdı ökılı, Almaty oblystyq sailaualdy ştabynyŋ jetekşısı S.Biǧarova Taldyqorǧan qalasyndaǧy D.Qonaev atyndaǧy etnografiialyq muzeidı aralady jäne Oquşylar saraiynda sailauşylarmen kezdestı.
S.Biǧarova batystyŋ aqşaǧa tabynuşylyq, kez kelgen jolmen tabys tabu jäne adamgerşılıkke jat dästürı bızdıŋ Otanymyz üşın qauıptı ekenın aitty. Sonymen qatar, ol QKHP ümıtkerınıŋ sailaualdy tūǧyrnamasynda batystyŋ yqpaly men jalǧan qūndylyqtarynan bas tartu mäselesı atap körsetılgenıne toqtaldy.
PETROPAVL TŪRǦYNDARYMEN KEZDESTI
Qazaqstan Respublikasynyŋ Prezidenttıgıne ümıtker Ämırjan Qosanovtyŋ sailaualdy ügıt-nasihat jūmystary Soltüstık Qazaqstan oblysynda jalǧasuda. 30 mamyrda oblystyq ştab basşysy Zaǧypar Amanjol Petropavl qalasynyŋ tūrǧyndarymen kezdesu ötkızdı.
Kezdesuge qatysqandardyŋ ışınde jas aqyndar men aityskerler bar. Ştab jetekşısı Ämırjan Qosanovtyŋ ömırbaiany men ümıtkerlıkke jetu jolyn baiandap, sailaualdy platformanyŋ negızgı baǧyttaryn jetkızdı. Pıkırlesu barysynda qatysuşylardyŋ özektı sūraqtaryna ştab müşelerı jauap berdı.
İMPORT ÖSIP, EKSPORT TÖMENDEDI
Prezidenttıkke «Aq jol» partiiasynyŋ atynan ümıtker Daniia Espaeva sailaualdy ştabynyŋ ökılderımen bırge juyrda Pavlodarda kezdesuler ötkızdı. Ümıtker «Tehnoprom teks», «Merusar i K» JŞS, «Qazenergokabel» AQ siiaqty käsıporyndardy aralady. Soŋǧy käsıporyn elımızdegı kabel-sym önımderı jönınen köşbasşy bolyp tabylady. Alaida şetel öndıruşılerımen bäsekelesu oŋaiǧa soqpaidy. Arzan önımder köp.
Daniia Espaeva memleket tek şaǧyn jäne orta biznes emes, ırı kompaniialardy qoldau qajettıgın aitty. Ol özınıŋ sailaualdy baǧdarlamasynda būl mäselenı şeşu joldaryn körsettı. Mysaly, salyq mölşerın tömendetu, memleketten järdemaqşa alatyndardyŋ sanyn köbeitu jäne t.b. şaralar bar. Ümıtker sailauşylardyŋ barlyq saualdaryna jauap berdı.
NEGIZGI BASYMDYQ – KÄSIPKERLIKTI QORǦAU
Qazaqstan Prezidenttıgıne kandidat Qasym-Jomart Toqaevtyŋ respublikalyq qoǧamdyq ştabynyŋ müşelerı Almaty qalasyna keldı. Almaty – elımızdıŋ eŋ ırı qarjy jäne biznes ortalyǧy. Sondyqtan ştab müşelerı almatylyq käsıpkerlermen kezdesıp, kandidattyŋ sailaualdy baǧdarlamasynda būl salaǧa erekşe basymdyq berılgenın aitty.
Ştab müşesı, «Atameken» ŪKP basqarma töraǧasy Abylai Myrzahmetov bizneske eŋ aldymen tūraqtylyq qajet ekenın aityp, otandyq käsıpkerlerdı Q.Toqaevqa dauys beruge şaqyrdy. Almatylyq jūrtşylyqpen kezdesude baǧdarlamanyŋ negızgı basymdyqtary men halyqtyŋ äl-auqatyn arttyruǧa arnalǧan naqty ūsynystar söz boldy.
TÜRKISTAN– ER-TÜRIKTIŊ BESIGI
«Ūly dala qyrandary» qoǧamdyq ūiymynyŋ atynan Prezidenttıkke ümıtker Sädıbek Tügeldıŋ sailaualdy baǧdarlamasynyŋ basty tūǧyry – ūlttyq qūndylyqtardy saqtau. Juyrda telepıkırsaiysta ümıtkerdıŋ söilegen sözın türkıstandyqtar jyly qabyldady. S.Tügeldıŋ Türkıstandaǧy senımdı ökılderı halyqpen jüzdesude baǧdarlamanyŋ negızgı baǧdarlaryn tüsındırdı. Olar sondai-aq qolyna plakat ūstap, qasiettı oryndardy aralady.
Ejelgı Türkıstan – qazaq halqynyŋ eŋ basty mädeni mūralarynyŋ bırı. «Kün saiyn Qoja Ahmet Iаsaui kesenesıne jüzdegen adam baryp, täu etedı. Bıreuler būl jerge ruhani tazaruǧa, bıreuler em-dom aluǧa keledı. Bır jyl būryn Türkıstannyŋ öz aldyna oblys bolyp qūryluy – ūlttyq qūndylyqtarymyzdy ūlyqtauǧa degen qūtty qadam» deidı S.Tügeldıŋ senımdı ökılderı.
ŞŪBAT ÖNDIRUDI JOLǦA QOIý QAJET
QR Prezidenttıgıne ümıtker Töleutai Raqymbekov Maŋǧystau oblysynyŋ tūrǧyndaryna sailaualdy baǧdarlamasyn tanystyrdy. Maŋǧystau oblysy – tek mūnai öndıru boiynşa ǧana emes, agrarlyq sala boiynşa da äleuetı zor ölke. T.Raqymbekov jergılıktı tūrǧyndarmen kezdesu barysynda aimaqqa tän mäselelerdı köterıp, onyŋ şeşu joldaryn ūsyndy.
Maŋǧystau öŋırınde kündelıktı tūtynatyn azyq-tülıktıŋ basym bölıgı basqa aimaqtardan äkelınedı. Soǧan säikes, baǧa da joǧary. «Būl mäselenı şeşu üşın auyl-aimaqta jylyjailardy köbeitu kerek. Būǧan qosa, şūbat öndırısın jolǧa qoiyp, tabys kölemın eselep arttyruǧa bolady. Osy tektes bastamalalarǧa qazır memleketten jaqsy qoldau bar» deidı ümıtker.
