OTANDYQ KÄSIPORYNDARDY QOLDAIDY
QR Prezidenttıgıne «Aq jol» partiiasynan ümıtker Daniia Espaevanyŋ ügıt toby halyqpen kezdesuın Soltüstık Qazaqstan oblysynda da ötkızdı. Kezdesu barsynda ümıtker özınıŋ sailaualdy baǧdarlamasyn Petropavl auyr maşina jasau zauytynyŋ ūjymyna tanystyrdy.
Būl önerkäsıp mūnai-gaz, qorǧanys, energetika salalaryna arnalǧan jabdyqtardy daiarlaidy.
Käsıporyn tarihy ötken ǧasyrdyŋ 60-şy jyldarynan bastau alady. Sol kezde ol zymyran, zymyran keşenı, suasty qaiyqtarynyŋ snariadtaryn jinaǧan. Bügıngı taŋda zauyt öz baǧytyn keŋeitıp, tek QR Qorǧanys ministrlıgınıŋ ǧana emes, mūnai jäne temırjol kompaniialarynyŋ tapsyrystaryn oryndap jür. Jūmystyŋ jalpy auqymy öte keŋ, önımnıŋ jüzden asa türın öndıredı. Qazırgı uaqytta önerkäsıptı qaita jaŋǧyrtuǧa 4,5 mlrd teŋgeden asa qarjy bölınıp otyr. Joba 2020 jylǧa deiın, iaǧni üş jylǧa josparlanǧan. Osy qaita jaŋǧyru prosesınıŋ nätijesınde önerkäsıp aumaǧyn ūlǧaityp, jaŋa önımderdı şyǧaratyn bolady.
Byltyr zauyt 3,5 mlrd teŋge kölemındegı jabdyqtardy şyǧarsa, biyl onyŋ qarajatyn 5-6 mlrd teŋgege ūlǧaitu josparlanǧan. Otandyq käsıporyn şetel kompaniialarynyŋ tenderlerıne de qatysady.
Daniia Espaevanyŋ otandyq käsıporyndardy salyqtyq jeŋıldıkter men basqa da şaralar arqyly qoldau turaly ūsynysy käsıpkerler tarapynan qoldau tapty. Daniia Espaevanyŋ sailaualdy ügıt nauqany jalǧasuda.
OŊTÜSTIK JASTARYMEN JÜZDESTI
Qasym-Jomart Toqaevtyŋ Respublikalyq qoǧamdyq ştabynyŋ müşelerı ügıt-nasihat jūmystaryn Şymkent qalasynda jalǧastyrdy.
Qala jūrtşylyǧymen kezdesulerde kandidattyŋ sailaualdy baǧdarlamasynda bılım beru salasyn jetıldıruge erekşe köŋıl bölıngenın aityldy. Şymkent – Qazaqstandaǧy eŋ jas megapolis jäne jastar qalasy. Osyǧan orai Q.Toqaevtyŋ senımdı ökılderı Respublikalyq ştabtyŋ «TeamQazaqstan» jastar qanatynyŋ forumyna qatysty. Üş myŋnan astam jastyŋ basyn qosqan ıs-şarada elımızdıŋ belgılı öner, sport jäne mädeniet jūldyzdary özderınıŋ pıkırlerın bıldırıp, Elbasy saiasatynyŋ sabaqtastyǧyn qoldaityndaryn aitty.
Sondai-aq jastarmen kezdesude kandidattyŋ jas buynǧa ülken köŋıl bölıp otyrǧany keŋınen aityldy.
– Bızdıŋ kandidatymyz öz baǧdarlamasynda jastardyŋ sapaly bılım aluyna, olardyŋ baspanamen jäne tūraqty jūmyspen qamtyluyna jol aşatyn tetıkterdı körsetıp berdı. Jas ǧalymdardy qoldau üşın jylyna 3 milliard teŋge qarajat bölınedı. Kandidatymyz jas mamandardy qoldau üşın «Prezidenttık rezerv» baǧdarlamasyn, käsıpkerlıktı damytu üşın «Jas käsıpker» jobasyn qolǧa alady, – dedı Respublikalyq ştabtyŋ basşysy Mäulen Äşımbaev.
Sondai-aq ügıt-nasihat jūmystary aiasynda ştab müşelerı «Oŋtüstık» arnaiy ekonomikalyq aimaǧy men «Tassai» industrialdy aimaǧynda ornalasqan käsıporyndardyŋ eŋbek ūjymdarymen kezdesuler ötkızdı.
ŪLTTYQ QŪNDYLYQTY ŪLYQTAUǦA ŞAQYRADY
Jezqazǧanda QR Prezidenttıgıne kandidat Sädıbek Tügeldı qoldauǧa arnalǧan konsert keşı öttı. Is-şarada jergılıktı ärtıster söz söilep, Sädıbek Tügelge qoldau bıldırse, kandidattyŋ senımdı ökılderı baǧdarlamanyŋ negızgı baǧyttaryn jūrtşylyqqa tüsındırdı.
Aita ketu kerek, būl keş – ümıtkerdıŋ qazaqstandyqtarǧa arnap ötkızgen ekınşı konsertı. Ärtürlı mazmūnda, ärtürlı täsılder arqyly ügıt-nasihat jūmystaryn jürgızıp kele jatqan Sädıbek Tügeldıŋ sailaualdy ştaby jastardyŋ nazaryn eldegı ruhani qūndylyqtardy ūlyqtauǧa audaruǧa küş saluda. «Ümıtkerdıŋ öz baǧdarlamasynda jastardy tärbieleuge köŋıl bölgenı, sondai-aq memlekettık tıldıŋ märtebesın nyǧaituǧa küş salatyny maǧan ūnady. Ol osylaişa öz halqynyŋ patrioty, ana tılınıŋ janaşyry ekenın taǧy da däleldedı» dedı şaraǧa qatysqan Jezqazǧan qalasynyŋ tūrǧyny Aqkülşe İbraeva.
Sädıbek Tügeldıŋ sailaualdy baǧdarlamasyn tanystyruǧa mysty şaharǧa arnaiy at basyn būrǧan kandidattyŋ senımdı ökılı, Jezqazǧan öŋırınen şyqqan tanymal teleradiojurnalist Bazargül Ümbetova ümıtkerdıŋ sailaualdy baǧdarlamasyna jan-jaqty toqtaldy. Saiysqa tüsken qoǧam qairatkerı, jazuşy Sädıbek Tügeldıŋ sailaualdy baǧdarlamasyndaǧy tört tūǧyr – tıl, dıl, jer, ar-namys bır-bırınen ajyramas ūlttyq qūndylyqtar. Ädıldıktı tu etıp, sybailas jemqorlyqqa jol bermeu, jūmyssyzdyqty joiyp, jastardyŋ äleumettık jaǧdaiyn jaqsartu, demografiiaǧa köŋıl bölu – kandidattyŋ basa nazar audaratyn basym baǧyttary. Halyqtyŋ Sädıbek Tügeldı qoldauynyŋ sebebı de osy» dedı senımdı ökılı.
AUYL JAǦDAIYN TALQYLADY
Auyl şaruaşylyǧy salasynyŋ mamandary eŋ tömengı jalaqy alady. Sonyŋ saldarynan qazır bärı ırı qalalarǧa aǧylyp jatyr. Prezidentıkke ümıtker Töleutai Raqymbekov kötergen osy mäsele Aqtöbede ötken jiynda keŋınen talqylandy.
Būl mäsele şūǧyl qolǧa alynbasa ondaǧan, bälkım, jüzdegen eldı meken qaŋyrap bos qaluy mümkın. Tömengı jalaqy jaiynda söz qozǧala qalsa, ünemı mūǧalım men därıgerlerdıŋ mäselesı aitylady. Al Töleutai Raqymbekov auyl şaruaşylyǧynda eŋbek etetınderdıŋ ailyǧy tıpten az deidı. Sondyqtan auyldarda qosymşa jūmys oryndaryn aşyp, qarapaiym jūmysşylardyŋ jaǧdaiyn köteru kerek. Äitpese, mūnyŋ arty eldı mekender tırşılıgıne, odan keiın, jalpy el ekonomikasyna kerı äser etuı mümkın. Ümıtkerdıŋ senımdı ökılderı Aqtöbe tūrǧyndarymen kezdesu barysynda osy mäselenı jan-jaqty talqylady.
Negızı auyl şaruaşylyǧynda 1 jūmys orny aşylsa, soǧan qatysy bar qalada qosymşa 7-8 jūmys orny paida bolady. Jinalǧan jūrt Töleutai Raqymbekov baǧdarlamasyndaǧy auyl men qala arasyn jaqyndatu mäselesıne jyly lebızderın bıldırıp jatty.
Prezidenttıkke ümıtker Töleutai Raqymbekovtıŋ özı elımızdıŋ özge de aimaqtarynda kezdesulerın ötkızıp jatyr. Juyrda ǧana Oral maŋyndaǧy şarua qojalyqtaryn aralap, sailaualdy baǧdarlamasyn tanystyrdy.
JALAQYNY KÖTERUDI ŪSYNDY
Qazaqstan Respublikasy prezidenttıgıne Käsıpodaqtar federasiiasy atynan ümıtker Amangeldı Täspihovtıŋ senımdı ökılderı Jambyl oblysynyŋ tūrǧyndarymen biudjettık ūiymdar jūmysşylarynyŋ jalaqy mäselesın talqylady.
Respublikalyq sailaualdy ştabtyŋ ökılderı Taraz qalasyndaǧy jergılıktı joǧary oqu oryndarynyŋ ūstazdarymen kezdesıp, biudjettık mekeme jūmysşylarynyŋ jalaqysyn köteru kerektıgın aitty. Käsıpodaqtar assosiasiiasynyŋ mälımetınşe, bügınde elımızdegı 1,5 millionnan astam därıger, medbike jäne mädeniet salasynyŋ qyzmetkerlerı tömen jalaqy alady. Olardyŋ qarjylyq jaǧdaiyn A.Täspihov zaŋ jüzınde retteudı josparlauda. Sol maqsatta ümıtker Parlament Mäjılısıne atalǧan azamattarǧa jalaqy belgıleu mehanizmın qaita qaraudy ūsyndy. Osylaişa A.Täspihov pedagog mamandardyŋ jetıspeuşılıgın azaityp, auyl mūǧalımderıne jaily jaǧdai jasaudy közdeidı.
Prezidenttıkke ümıtker Amangeldı Täspihovtıŋ senımdı ökılderı ügıt-nasihat nauqanyn jalǧastyra beredı.
EŊBEK ŪJYMDARYMEN KEZDESTI
Talas audanyna qarasty Qaratau kentınde QKHP Jambyl oblystyq sailaualdy ştab jetekşısı J.Nūräliev qala sailauşylarymen jäne eŋbek ūjymdarymen kezdesu ötkızdı.
Ştab ökılı ūrany «Adal eŋbek qoǧam müddesı üşın!» dep atalatyn sailaualdy tūǧyrnamany tanystyryp bolǧan soŋ, Qazaqstannyŋ salyq salu jüiesı bailarǧa elımızdı jūmaqqa ainaldyryp otyrǧanyn aityp, būl ädıletsızdık ekenıne erekşe toqtaldy. «Qazaqstanda auqatty jäne öte auqatty adamdardyŋ sany öte köp. Mūnymen qatar kedeilık şegınde nemese oǧan jaqyn deŋgeide ömır süretın adamdardyŋ sany artyp keledı. Osyǧan orai orta tapty qozǧamai, üsteme tabysqa ie adamdarǧa tabys salyǧynyŋ joǧary mölşerlemesın qoldanu qajet» dedı ol.
Sonymen qatar kezdesude Qazaqstan bolaşaǧy aldynda memleket pen azamattardyŋ jauapkerşılıgı taqyryby qozǧaldy. J.Nūräliev sailau demokratiialyq qūrylymnyŋ maŋyzdy bölıgı ekenın atap öttı. Sailauşylar QKHP ümıtkerınıŋ sailaualdy tūǧyrnamasynyŋ tezisterın jaqsy qabyldap, kökeilerınde jürgen sūraqtaryn qoidy.
SAILAU PLATFORMASYN TÜSINDIRDI
Qazaqstan Respublikasynyŋ Prezidenttıgıne ümıtker Ämırjan Qosanovty qoldauǧa baǧyttalǧan kezektı ügıt-nasihat ıs-şaralary Atyrau oblysynda öttı.
28 mamyrda kandidattyŋ senımdı tūlǧalary «Aqjelken» JŞS jūmysşylarymen kezdesu ötkızdı. Jiynǧa 25 adam qatysty.
Kezdesudıŋ moderatorlyǧyn oblystyq sailaualdy ştabynyŋ basşysy Ǧalymjan Utebaev atqardy.
Kezdesu barysynda platformanyŋ negızgı baǧyttary talqylanyp, jūmyskerler öz pıkırlerın ortaǧa saldy. Qatysuşylar kandidattyŋ aumaqtardy damytu boiynşa oi-pıkırıne qyzyǧuşylyq bıldırdı.
Pıkırlesu barysynda qatysuşylardyŋ özektı sūraqtaryna ştab müşelerı jauap berdı. Negızınen, eldıŋ ekonomikalyq jaǧdaiy, mädeni-ruhani ürdısterı jaiynda aityldy.
Ämırjan Qosanovtyŋ senımdı ökılderı elımızdıŋ basqa aimaqtarynda da osyndai kezdesuler ötkıze bermek.
