Qazaqstan kubogyna barlyq komandanyŋ ışınen ırıktelıp şyqqan «Atyrau» men «Qairat» talasty.
«Astana Arena» stadionynda ötken finaldy 4500 körermen tamaşalady. Kezdesudıŋ favoritı sanalǧan Almatynyŋ «Qairaty» aldyn ala uäde etkendei, alaŋǧa tügel qazaqstandyq oiynşylardy şyǧardy. Sondyqtan köpşılık ekı komandanyŋ şamalary deŋgeiles deuge bolady dep baǧa berdı.
Alǧaşqy minuttarda oiyn qarqyny bäseŋdeu boldy. Ekı komanda bır-bırınıŋ aŋysyn aŋdyp bıraz jürdı. Bıraq Frantişek Kubik öz aiyp alaŋynda abaisyz oinap, dopqa qolyn tigızıp aldy. Söitıp «Atyrau» qaqpasyna penalti belgılendı. Alaida on bır metrlık nükteden Bauyrjan İslamhan mült kettı. Qaqpaşy Vladimir Loginovskii doptyŋ baǧytyndaǧy būryşqa däl jantaia qaldy. Bır qauıptıŋ betın qaitarǧan atyraulyqtardyŋ qamalyn «Qairat» araǧa on minut uaqyt salyp, bärıbır būzyp kettı. Közge tüsken – Aleksandr Sokolenko.
Ekınşı taimda ekı jaq ta alǧa ūmtylyp, şabuylǧa dem bergenımen esep özgerıssız qaldy. «Atyrau» qysym körsetıp, belsendılık tanytyp, tyrysyp-aq baqqanymen, tarazy basyn teŋestırıp ülgermedı.
Söitıp «Qairat» toǧyzynşy ret Qazaqstan Kubogynyŋ iegerı atandy.
Osydan bır künnen keiın «Qairat» jaŋa bas bapkerın tanystyrdy. Endı almatylyq komandany belarus mamany Aleksei Şpilevskii jattyqtyrady. Ol bapkerlık qyzmetın nemıstıŋ «Ştutgart» komandasynyŋ akademiiasynda bastady. 2013-2018 jyldar aralyǧynda «RB Leipsig» akademiiasynda bapkerlık qyzmet atqardy. Soŋǧy ret Brest qalasynyŋ «Dinamo» klubynyŋ tızgının ūstady.
Damir QOJAMQŪL
