Reseilıkter oq jaudyrdy
Azov teŋızındegı oqiǧa Mäskeu men Kiev arasyn şielenıstırıp jıbergelı tūr.
RİA agenttıgınıŋ habarlauynşa 25 qaraşa künı Resei äskerilerı şekaradan zaŋsyz ötıp ketkenı sebeptı Kerch būǧazynda Ukrainanyŋ «Berdiansk», «Nikopol» jäne «Iаny Kapu» kemelerın toqtatqan. Būǧan qosa reseilık taraptyŋ oq jaudyrǧany da belgılı boldy. Al öz kezegınde ukrainalyqtar būl aimaqtan ötetının aldyn ala habarlaǧanyn aityp otyr. Qaqtyǧystan üş ukrainalyq jaraqattanǧan.
Endı osy şūǧyl oqiǧaǧa bailanysty BŪŪ qauıpsızdık keŋesınıŋ otyrysy ötkızılmek.
Mügedekterge arnalǧan smartfon
Braun universitetınıŋ ǧalymdary mi qyzmetı arqyly basqaruǧa bolatyn smartfon jasap şyǧardy.
Digital Trends basylymynyŋ habarlauynşa jaŋa qūrylǧy oilau jüiesı arqyly jūmys ısteidı. Ol midyŋ belsendılıgı arqyly tiıstı tapsyrmalar alyp, sony jüzege asyrady. Mamandar täjıribe jüzınde, kalkuliatordy paidalanyp, habarlamalar jıberıp körgen. Sol siiaqty onlain-sauda da jasalǧan.
Būl qūrylǧy qol-aiaǧy jūmys ıstemeitın, söilei almaityn mügedek jandarǧa arnap jasalyp otyr. Osy arqyly sifrly tehnologiiany keŋınen paidalanuǧa, jaqyndarymen tıldesuge septıgı tigızılmek.
Zılzaladan 716 adam zardap şektı
İrannyŋ Kermanşah provinsiiasynda magnitudasy 6,3 bolatyn jer sılkınısı tırkeldı.
Mehr agenttıgınıŋ habarlauynşa tabiǧi apattan 716 adam türlı deŋgeide jaraqat alyp, 1 adam qaza bolǧan. Zardap şekkenderdıŋ basym bölıgı – Giliangarb, Kasr-e Şirin i Sar-Pole-Zohab qalalarynyŋ tūrǧyndary.
Europalyq-Jerorta teŋızı seismologiialyq ortalyǧynyŋ habarlauynşa jerasty dümpuın Baǧdad qalasynan soltüstık-şyǧysqa qarai 148 şaqyrym qaşyqtyqtan anyqtaǧan. Onyŋ oşaǧy 40 km tereŋdıkte ornalasqan.
