Astana qalasynyŋ Esıl audandyq Tötenşe jaǧdailar basqarmasynyŋ qyzmetkerlerı aumaqtaǧy tūrmysy tömen jäne köp balaly otbasylardy aralap, arnaiy syilyqtar tabys ettı. Azyq-tülık türınde äleumettık kömekter körsettı.
Şara barysynda, sondai-aq, basqarma qyzmetkerlerı saiajai aumaǧyndaǧy, qala maŋyndaǧy auyl tūrǧyndarymen kezdesıp, ört qauıpsızdıgı jaiynda keŋester berdı. Tötenşe jaǧdailar oryn alǧan kezde alǧaşqy äreketter jasau joldaryn tüsındırıp, ört qauıpsızdıgınıŋ aldyn alu baǧytyndaǧy eskertpeler taratty. Atalmyş aksiia Esıl audanyndaǧy №16 ört söndıru bölımınen bastau aldy.
– Bız būl şarany ötkızu üşın bükıl basqarma qyzmetkerlerı bır kündık jalaqylaryn audarǧan bolatyn. Jinalǧan qarjyǧa jiyrma şaqty otbasyna, köp balaly otbasylardyŋ balalaryna arnaiy tartular jasadyq. Bırınşı kezekte tūtynylatyn azyq-tülık türlerı boiynşa äleumettık kömekter körsetıldı. Būiyrtsa, mūndai şaralardy aldaǧy uaqytta da jiı ötkızıp tūru josparda bar, – deidı Esıl audandyq Tötenşe jaǧdailar basqarmasynyŋ bastyǧy Esen Baiyrov.
Qaiyrymdylyq aksiiasy kezınde basqarma bastyǧy osy uaqytqa deiın atqarylǧan jūmystar jönınde de esep bere kettı. Onyŋ aituynşa, jyl basynan berı Esıl audanynda 82 ört oqiǧasy oryn alypty. Būl ötken jyldyŋ osy kezeŋımen salystyrǧanda 14 paiyzǧa köp eken. Oqiǧa saldarynan 2015 jyly da, biyl da bır adam qaza tapqan. Jyl basynan eseptegende, tūrǧyn üi sektorlarynda 38 ört oqiǧasy bolǧan. Ol ötken jyldyŋ osy kezeŋımen salystyrǧanda 29 paiyzǧa köp. Iаǧni, jürgızılıp jatqan aldyn alu şaralaryna qaramastan, ört şyǧu oqiǧalary jiılegen.
– Audan kölemınde tūrǧyndar arasynda ört qauıpsızdıgın tüsındıru boiynşa jiı kezdesuler ötkızıledı. Būl – bızdıŋ jūmysymyzdyŋ negızgı baǧyty. Halyq arasynda tüsındıru, eskertu jūmystary keste boiynşa ünemı jürgızıledı. Tötenşe jaǧdailar oryn alǧan kezde tūrǧyndar bırınşı kezekte qandai äreket jasauy qajet, sony da ünemı aityp, esterıne salyp otyramyz. Balalardy eş uaqytta qarausyz qaldyrmaularyn eskertemız. Öitkenı, köp ört oqiǧasy balalardyŋ oiynynan şyǧyp jatady, – deidı jūmys barysy jaiynda Esen Älmūhanbetūly.
Meŋdolla NŪRYMŪLY
