Astana qalasynda 18 men 24 şılde aralyǧynda «Nazar audar, jaiau jürgınşı» atty keŋ auqymdy nauqan ötkızıledı. Astana qalasy IID Jergılıktı polisiia qyzmetınıŋ bastyǧy Baqytjan Malybaevtyŋ aituynşa, būl şara Jol jüru qauıpsızdıgı men dene jaraqatynyŋ aldyn aludy qamtamasyz etu mäselelerın ıske asyru jönındegı ıs-şaralardyŋ 2011-2020 jyldarǧa arnalǧan ūlttyq josparynyŋ 8-tarmaǧyn ıske asyru maqsatynda ūiymdastyrylǧaly otyr.
«Şaranyŋ negızgı maqsaty – jaiau jürgınşıler qauıpsızdıgı jäne olardyŋ qatysuymen bolatyn jol-kölık oqiǧalarynyŋ aldyn alu. Öitkenı, qoldanylyp jatqan şaralarǧa qaramastan, jol-kölık jaraqaty mäselesı älı de özektı bolyp tūr. Elımızde tırkeletın ärbır besınşı jol-kölık oqiǧasy jaiau jürgınşılerdıŋ kınäsınen bolyp jatady. Jyl basynan berı Astana qalasynda tırkelgen 337 jol-kölık oqiǧasynyŋ 68-ıne jaiau jürgınşıler kınälı bolyp otyr» deidı Astana qalasy IID Jergılıktı polisiia qyzmetınıŋ bastyǧy Baqytjan Malybaev.
Sondai-aq, ol brifing barysynda nätijelı jūmystardyŋ arqasynda bas qalamyzdaǧy jol-kölık oqiǧasy aitarlyqtai tömendep, 5 paiyzǧa azaiǧanyn atap öttı. Soŋǧy alty aidyŋ qorytyndysy boiynşa qara jolyndaǧy adam şyǧynynyŋ 19, jaraqat körsetkışı 4 paiyzǧa azaiǧanyn körsetıp otyr. Kämelettık jasqa tolmaǧandardyŋ qatysuymen bolǧan jol-kölık oqiǧalary da 13, jaraqat körsetkışı 12 paiyzǧa az bolyp otyr. Al jasöspırımder qazasy müldem tırkelmegen.
Nauqan barysynda jaiau jürgınşılerdıŋ joldy ötu erejesın saqtauyna ärı jaiau jürgınşıler jolynyŋ erejesın būzatyn jürgızuşılerge erekşe nazar audarylady. Sonymen qatar, osy aralyqta Astana qalasynyŋ Jergılıktı polisiia qyzmetı qyzmetkerlerı «Jarqyn bol» degen ataumen arnaiy aksiia ötkızıp, jaiau jürgınşılerge jaryq şaǧylystyrǧyş bılezıkter taratylatyn bolady.
Ǧalymdardyŋ zertteuı boiynşa, jaryq şaǧylystyrǧyş bılezıkterı bar jaiau jürgınşılerdı kölık ielerı 50-150 metr ara qaşyqtyqtan bırden baiqaityny däleldegen. Al şaǧylystyrǧyş elementter bolmaǧan jaǧdaida kölık jaryǧy 30 metr araqaşyqtyqta ǧana jetedı. Sondai-aq, mūndai şaǧylystyrǧyş elementter kölık apatyn 5-6 esege deiın tömendetedı.
Bürkıt NŪRASYL
