Astanada 3000-ǧa juyq adam qatysqan qaiyrymdylyq marafon öttı. Ötken senbı künı Qajymūqan Mūŋaitasov atyndaǧy ortalyq stadionǧa jinalǧan astanalyqtar men qala qonaqtary 5, 10, 21 jäne klassikalyq qaşyqtyq 42 kilometr 195 metrlık jarys jolyna şyqty.
Elımızdıŋ qūrylys salasyndaǧy üzdık kompaniialardyŋ bırı VI Group ūjymy ūiymdastyrǧan aituly marafonnyŋ eŋ basty erekşelıgı qaiyrymdylyq qaǧidaty boldy. Būl şara jönınde osydan būryn Olimpiada oiyndary men ekı dürkın älem chempiony Serık Säpiev, bükıl Sahara dalasyn jügırıp ötken, ūzaq qaşyqtyqtarǧa jügıruden Ginnestıŋ rekordtar kıtabyna engen Marat Jylanbaev jäne basqa da ataqty sportşylar men qoǧam qairatkerlerı pıkır aityp, barşa qazaqstandyqtardy atalmyş qaiyrymdylyq marafonyn qoldauǧa şaqyrǧan bolatyn.
Būl marafon barysynda qatysuşylarǧa, sondai-aq kez kelgen jeke tūlǧaǧa nemese ūiymǧa qaiyrymdylyq jarna töleuge mümkındık berılgen edı. Al qaiyrymdylyq jasauşylar az bolǧan joq. Mıne, sol qarajat «VI –Jūldyz-ai» qaiyrymdylyq qoryna audaryldy. Marafonnyŋ şarty boiynşa qaiyrymdylyq maqsatpen tüsken barlyq qarajatqa DSP auruyna şaldyqqan nauqastardy oŋaltuǧa arnalǧan qondyrǧylar men jabdyqtar satyp alu közdelgen.
Bır aitarlyǧy, marafonǧa qatysuşylar arasynda 10 jastaǧy balalar men 70 jastan asqan qariialar da ötınış bergen eken. Sondai-aq, tanymal sportşylar men qoǧam qairatkerlerı de jarys jolynan körındı. Köptegen käsıporyndar mekemeler ūjym bolyp qatysqan. Būlardyŋ köpşılıgı alty adamnan qūrylatyn marafondyq estafetada baqtaryn synady. Mäselen, osy jarysqa qatysqan belgılı jelaiaq Saltanat Tüitebaev jetpıstıŋ üstıne şyqqan qariia bolsa da, marafon belesın tolyǧymen baǧyndyrdy.
Sonymen, Astanada qaiyrymdylyq qaǧidatyn ūstanǧan marafon öttı. Būqaralyq jarysqa qatysuşylardyŋ sany men köŋıl-küilerıne qarap, būl qaiyrymdylyq şaranyŋ dästürlı bolsa nūr üstıne nūr bolar edı dep oiladyq. Eŋ bastysy – ūiymdastyruşylardyŋ qaiyrymdylyq jasauǧa niettengen qadamdaryn köpşılık qoldady. Demek, qaiyrymdy ıske janaşyr jandar köp deuge negız bar.
Ǧalym QOJABEKOV
