Bügın Astana ırgesındegı Aqmol auylyndaǧy saiasi quǧyn-sürgın jäne totalitarizm qūrbandaryna arnalǧan «ALJİR» mūrajai-memorialdyq keşenınde arnaiy şara bolyp öttı. Saiasi quǧyn-sürgın qūrbandaryn eske alu künıne orai ūiymdastyrylǧan qaraly jiynǧa Qazaqstan Respublikasynyŋ Memlekettık hatşysy Gülşara Äbdıqalyqova, Astana qalasy äkımınıŋ orynbasary Ermek Amanşaev bastaǧan qonaqtar qatysyp, gül şoqtaryn qoidy.
Is-şaraǧa sondai-aq, memlekettık organdardyŋ ökılderı, mäslihat deputattary, qoǧam qairatkerlerı, «ALJİR» degen ataumen belgılı bolǧan azap lagerınde tūtqynda bolǧandardyŋ ūrpaqtary, sondai-aq elorda tūrǧyndary qatysty. Qaraly jiynda söz alǧan Memlekettık hatşy tarihymyzdaǧy ol oqiǧalardyŋ eşqaşan ūmytylmaitynyn jäne endı mūndai qasırettıŋ qaitalanuyna jol berılmeitının aitty. «1921-1954 jyldary 3,7 mln-nan astam adam sottalǧanyn, onyŋ 640 myŋnan astamy atylǧanyn, sonyŋ ışınde Säken Seifullin, Iliias Jansügırov, Beiımbet Mailin siiaqty Qazaqstannyŋ ziialy qauym ökılderı, Keŋes halyq komissariaty basşylary, oblystyq partiia komitetı hatşylary, oblystyq atqaru komitetterınıŋ töraǧalary sekıldı memlekettık qairatkerlerı bolǧanyn eşqaşan ūmytpaimyz» dep atap öttı.
Bürkıt NŪRASYL
