Elorda biudjetıne tüsetın salyq kölemı artyp keledı. Būl turaly keşe Astana qalasy Strategiialyq jäne biudjettık josparlau basqarmasynyŋ basşysy Rasul Orazǧūlov qalalyq mäslihattyŋ kezektı otyrysynda mälımdedı.
– Qala damuynyŋ ekonomikalyq körsetkışterı dinamikasyn eskerer bolsaq, aǧymdaǧy jyldyŋ qaŋtar-şılde ailarynda Astana biudjetıne tüsken kırıs kölemı 136,2 mlrd teŋgenı qūrap otyr. Ötken jyldyŋ säikes kezeŋımen salystyrǧanda ösım 2,4 paiyzdy qūraidy. Onyŋ ışınde salyq tüsımderı 126 mlrd teŋgenı qūrap, 3,6 paiyz ösım körsettı, – dedı basqarma basşysy.
Osy jaǧdaiǧa bailanysty qalanyŋ jalpy kırısınıŋ jyldyq boljamyn 6 mlrd 10 mln 479 teŋgege ūlǧaitu ūsynylady. Atalǧan somanyŋ 3 mlrd teŋgesın salyq tüsımderı, 1,4 mlrd teŋgesı salyqtyq emes tüsımder jäne 1,6 mlrd teŋgesın negızgı kapitaldy satudan jinalǧan tüsımder qūraidy.
Būdan bölek, mäslihat otyrysynyŋ kün tärtıbınde alty mäsele qaraldy. Sonyŋ ışınde qoǧamdyq kölıkpen jürudegı saralanǧan tarif söz boldy.
