Astana qalasy mäslihatynyŋ Äleumettık-mädeni damu jönındegı jäne Biudjet, ekonomika, önerkäsıp jäne käsıpkerlık mäselelerı jönındegı tūraqty komissiialarynyŋ bırıkken otyrysynda byltyrǧy biudjettıŋ oryndaluy qaraldy.
Astana qalasy Qarjy basqarmasynyŋ basşysy Ruslan Dosaevtyŋ esebıne jügınsek, 2016 jyly qala biudjetıne 431 mlrd 668,5 mln teŋge tüsken. Onyŋ aituynşa, jospar asyra oryndaldy. Sonyŋ arqasynda biudjetke qosymşa
7 mlrd 489,4 mln teŋge qūiyldy. Bırqatar basqarma men audan äkımdıkterınıŋ, qalanyŋ Tekseru komissiiasynyŋ biudjet qarjysyn igeru mäselesıne toqtalǧan ol jalpy jaǧdaimen tanystyrdy.
Būdan keiın baiandama oqyǧan Astana qalasy Tekseru komissiiasynyŋ töraǧasy Ǧalymjan Moldaş kvazimemlekettık sektordyŋ jūmysyna erekşe toqtaldy.
– Tekseru komissiiasy ötkızgen audit pen qarjylyq baqylaudyŋ qorytyndysynda «Astana Innovation» AQ qolǧa alǧan «Smart Astana» jobasy tiıstı deŋgeide jüzege asyrylmai jatqany anyqtaldy. Onyŋ ışıne kıretın 16 investisiialyq joba äzırlendı. Alaida būl jobalardyŋ arasynda özara bailanys joq. Sondai-aq, biudjet qarjysy negızsız jūmsalǧan. Mäselen, 2012-2014 jyldary «Bolaşaqtyŋ mektebı – bügın» Esepke aludyŋ keşendı jüiesı» jobasy ıske asyryldy. Oǧan jergılıktı biudjetten 260,1 mln teŋge bölındı. Soǧan säikes, elordanyŋ barlyq oquşylaryn elektrondy kuälıkpen qamtamasyz etu kerek boldy. Alaida tekserılgen 10 mekteptıŋ bırınde ǧana būl jüie tolyqqandy jūmys ıstep tūrǧany anyqtaldy. Būǧan qosa, 2015 jyly «Astana Innovation» AQ «Smart mektep» atty qanatqaqty jobany jüzege asyrudy bastady. Al mūnyŋ tehnikalyq sipaty «Bolaşaqtyŋ mektebı – bügın» jobasymen bırdei dep aituǧa bolady, – dedı ol.
Sondai-aq, baiandamaşy taǧy bırneşe kvazimemlekettık sektorǧa jatatyn mekemelerdıŋ jūmysyndaǧy kemşılıkterge nazar audardy. Otyrys qorytyndysynda kemşılıkter anyqtalǧan ūiymdardyŋ ökılderın kelesı otyrystarǧa şaqyryp, esepterın tyŋdau ūsynyldy.
Amanǧali QALJANOV
