QAMQORLYQ JASAP, QAIYRYMDYLYQ KÖRSETTI
Jaŋa jyl merekesı qarsaŋynda Esıl audany äkımınıŋ apparaty «Konsolideited Kontrakting İnjiring end Prokiurment S.A.L.-Ofşor» kompaniiasynyŋ filialymen bırlesıp, qaiyrymdylyq şara ūiymdastyrdy.
Aldymen Esıl audany äkımınıŋ apparat basşysy Berık Törebekov audan äkımınıŋ atynan jinalǧandardy kele jatqan Jaŋa jyl merekesımen qūttyqtap, otbasylaryna amandyq, elımızge tynyştyq tıledı. Astanadaǧy «Abu Dabi Plaza» keşenınıŋ qūrylys jūmystaryn jürgızıp jatqan atalmyş kompaniianyŋ atqaruşy direktory Mūrat Jūmanov elımızdıŋ Ükımetı men Bırıkken Arab ämırlıkterı arasyndaǧy kelısım boiynşa bas qalada atqarylyp jatqan jūmystarǧa toqtaldy. Onyŋ aituynşa, bügıngı taŋda keşende bes ǧimarattyŋ qūrylysy jürgızılıp
jatyr. Solardyŋ bırı Aziiadaǧy eŋ biık, eŋ ülken 88 qabatty ǧimarat bolady. Qazır käsıporynda elımızdıŋ tükpır-tükpırınen, atap aitsaq, Atyrau, Batys Qazaqstan oblysynan, soltüstık jäne oŋtüstık öŋırlerden jäne osy Aqmola maŋynan kelgen qandastarymyzben bırge şetel azamattary, barlyǧy 750 adam eŋbek etude. Keleşekte olardyŋ sany 7 myŋǧa jetedı dep josparlanuda.
Audan aumaǧynda tūratyn jalǧyzılıktı zeinetkerler men köpbalaly, tūrmysy naşar otbasylar az emes. Mereke künderı jany jomart, peiılı keŋ azamattardyŋ qoldauymen olarǧa qaiyrymdylyq körsetılude. Būl joly atalmyş kompaniianyŋ atqaruşy direktory men äkımşısı Jamal Jaafar audan aumaǧynda tūratyn osyndai 50 adamǧa materialdyq kömek körsettı.
Osylaişa, ıs-şara barysynda qamqorlyqqa zäru azamattarǧa 20 kelıden azyq-tülık qorjyny ülestırıldı. Ūiymdastyruşylar qaiyrymdylyq şaranyŋ aldaǧy uaqytta jalǧasyn tabatynyn jetkızdı.
Gülbarşyn Ökeşqyzy