Juyrda elordada Saryarqa audanynyŋ äkımı Erǧali Egemberdınıŋ qoldauymen ūlttyq qūndylyqtardy därıpteu, patriotizmdı damytyp, bäsekege qabılettı ūltjandy tūlǧa tärbieleu maqsatynda «Qara şaŋyraq» jobasy jūmysyn bastady. Ūltjandy azamattar döŋgelek üstel basynda jinalyp, jobanyŋ qalai örbitının talqylady.
«Qazırgı qoǧamda bolyp jatqan jastarymyzdyŋ türlı beibastaq äreketterı, ūiatsyz qylyqtary, ülkenge qūrmettıŋ azaiuy, ajyrasu, balalardyŋ jetım qaluy, jemqorlyq jäne taǧy sondai mäseleler köbeiıp kettı. Būl bır ruhani kesel boldy. Osy dert dendep, ūrpaǧymyzǧa kesırı timesın desek, qoǧamdy ruhani sauyqtyru kerek. Jas ūrpaqtyŋ boiyna ar, ūiat, namys, kısılık syndy qasietterdı bala kezınen sıŋdıru kerek. Qazaqta ar, ūiat ärdaiym qūndy bolǧan. Jastardy ardy jasynan saqtau, ūiatty, namysty bärınen biık qoiuǧa tärbieleuımız kerek. Qazaqtyŋ boiyndaǧy, qanyndaǧy ūiyqtap jatqan närsenı oiatu qajet. Onyŋ bır-aq joly bar. Ol – ūlttyq qūndylyqtarǧa negızdelgen tälım-tärbie. «El bolamyn deseŋ, besıgıŋdı tüze» dep tekten-tekke aitylmaǧan. Osy maqsatta ruhy bır, ideiasy, oiy bır jerge tüiısken ūlt janaşyrlary, qoǧam belsendılerı bolyp, «Qara şaŋyraq» jobasyn qolǧa aldyq» dedı jobanyŋ bastamaşysy, tarihşy Tūrar Şäken.
Būǧan qosa, belgılı ǧalymdar Myrzageldı Kemel men Jambyl Artyqbaev, özge de ūlt janaşyrlary joba jaily pıkırlerın bıldırdı.
