Qaraötkelden tülegen QAHARMAN
Qalamy qarymdy jurnalist Bolat Jünısbekovtıŋ «otAsu» degen kıtaby qolymyzǧa tiısımen asyǧa paraqtap, oqyp şyqqanbyz. Armiia generaly Saǧadat Nūrmaǧambetovtıŋ ǧūmyr jolyndaǧy erlıgın, jıgerın, syn saǧattardaǧy şeşımderı men sezımderın paş etken roman-dilogiia jaiynda tüigen oiymyzdy qaǧazǧa tüsırıp, uyz qalpynda oqyrman nazaryna ūsynǧanymyz soŋǧy seisenbı ǧana edı… Kün säskeden aspastan «Alaş bahadürınen aiyryldy» degen qaraly habar tarady.
Qūzar şyŋ basynan ainalasyna baiyppen köz tastai qomdanǧan qyran tektes aǧanyŋ asyl beinesı köz aldymyzǧa kele berdı sosyn. «Ūltqa qyzmet etudıŋ qūny – adaldyq» degen asyl aǧanyŋ beinesı… «Qazaq – jauynger halyq! Bız siiaqty asqaq ruhty jıgerlı halyq joq! Sol soǧysta jan aiamai küresken tek qazaqtar boldy! «İzvestiia» gazetınde tek qazaqtardyŋ erlıgı, jıgerı jazylatyn» dep, aǧynan jarylǧan asyl aǧanyŋ beinesı…
Toqsan jasyna qaraǧan şaǧynda baqiǧa attanǧan Saǧadat Qojahmetūly Arqanyŋ topyraǧynda – Astananyŋ ırgesındegı Eŋbek auylynda (qazır Aqmola oblysy Aqköl audany) tuypty. Kädımgı Qaraötkelden tülegen, qanat qaqqan. Kämeletke tolǧan künnen ömırınıŋ soŋǧy sätıne deiın Otanyna bar ynta-şyntasymen qyzmet ettı. 1942 jyly adamzat tarihyndaǧy eŋ sūrapyl soǧysty Soltüstık Kavkazda bastap, özı basqarǧan atqyştar batalonymen jaudy Berlinge deiın qudy. Ūly Otan soǧysynan keiın aramyzǧa Keŋes Odaǧynyŋ Batyry bolyp oraldy.
Saǧadat Nūrmaǧambetov Qaruly küş-
ter qatarynda Azamattyq qorǧanys ştabynyŋ bastyǧy, Orta Aziia äskeri okrugynyŋ qolbasşysynyŋ orynbasary, Vengriiadaǧy äskeri kontingent basşysynyŋ bırınşı orynbasary, Qazaq SSR-ı memlekettık Qorǧanys komitetınıŋ töraǧasy qyzmetterın abyroimen atqaryp, 1992 jyly täuelsız Qazaqstannyŋ bırınşı qorǧanys ministrı lauazymyna taǧaiyndalady. Armiia generaly atanyp, qūrmettı demalysqa şyqqan bahadür künı keşege deiın Prezidenttıŋ keŋesşısı qyzmetın atqardy. 1994 jyly Qazaqstan Respublikasy Prezidentınıŋ
Jarlyǧymen nömırı bırınşı «Halyq qaharmany» ordenımen marapattalady. 1999 jyly elordada aşylǧan «Jas ūlan» respublikalyq äskeri mektebıne Saǧadat Nūrmaǧambetovtyŋ esımı berıldı. Al, onyŋ köptegen ordenderınıŋ arasynda Ukraina, Polşa, Chehiia, Monǧoliia elderınıŋ eŋ joǧary marapattary bar.
«Qazanattyŋ erı audy, qaiteiık…»
ah ūramyz da, qaiǧyramyz da, aza tūtamyz da. Alaida, asyl aǧanyŋ beinesı, erlıgı, kısılıgı ūrpaq jadynan öşpeitını taǧy aqiqat!
Ädılbek JAQSYBEKOV, Qazaqstan
Respublikasy qorǧanys ministrı:
Būl – bükıl Qazaqstan üşın orny tolmas qaza.
Bız ūstazymyzdan ärı senımdı dosymyzdan aiyryldyq. Saǧadat
Qojahmetūly Qazaqstan Qaruly Küşterınıŋ tarihynda aŋyzǧa ainalǧan tūlǧa retınde qalady.
Mahmūt NÄLIBAEV, S.Nūrmaǧambetov atyndaǧy halyqaralyq qordyŋ töraǧasy:
Saǧadat – adamzattyŋ etalony.
«Ūlt maqtanyşy» dep atalatyn mūraǧat qūjattary boiynşa jūmys ıstep, batyrdy bırneşe qyrynan tanydyq. Alǧaşqylardyŋ bırı bolyp, jaudyŋ ǧimaratyna engendıgın anyqtadyq. Ekınşı märte Keŋes odaǧy batyry or-
denıne ūsynǧan qūjattardy taptyq.