Astanalyq mäslihattyŋ kezektı tūraqty komissiia otyrysynda qūrylys, ekologiia, kölık jäne tūrǧyn üi kommunaldyq şaruaşylyq mäselelerı jönındegı 2017-2019 jyldarǧa arnalǧan biudjettıŋ jobasy talqylandy. Negızgı baiandamany qalalyq Ekonomika jäne biudjettık josparlau basqarmasynyŋ basşysy Älıbi Jūmaev jasady.
Baiandamaşy aldaǧy üş jylǧa arnalǧan biudjet jobasy Qazaqstan Respublikasynyŋ Biudjet kodeksıne, jergılıktı biudjetterdı äzırleu erejesıne säikes äzırlenıp, daiyndalǧandyǧyn jetkızdı. Odan keiın basqarma basşysy elordanyŋ toǧyz ailyq äleumettık-ekonomikalyq körsetkışterı turaly söz qozǧady. Soŋǧy toǧyz aida qalanyŋ ekonomikalyq quaty eselene tüsken. Salyq tüsımderı de joǧarylaǧan. Sodan soŋ basqarma basşysy jiynda özektı bolyp otyrǧan basty taqyrypqa köştı. Aldaǧy üş jyldyq biudjettıŋ barysyna toqtaldy. Mäselen, qalalyq Kommunaldyq şaruaşylyq basqarmasynyŋ şyǧystaryna üş jylǧa – 35 004,7 mln teŋge, onyŋ ışınde jergılıktı biudjetten – 21 294,5 mln teŋge jäne respublikalyq biudjetten 13 710,2 mln teŋge qaralǧan. Sol sekıldı energetika, säulet-qūrylys jäne auyl şaruaşylyǧy basqarmalaryna üş jylǧa bölınıp otyrǧan qarjy kölemı aityldy.
Sonymen bırge, otyrysta Astananyŋ şet jaǧynda salynǧan köp qabatty tūrǧyn üilerdıŋ ortalyq jyluǧa qosylmaǧandyǧy söz boldy. Olardyŋ denı «avtonomdy jylytu» jüiesın paidalanady. Degenmen, atalǧan avtonomdy jüienıŋ kommunaldyq aqysy qymbat ekendıgı aian.
Elordaǧa «tabiǧi gazdyŋ» qajettılıgı jaiynda pıkır aityldy. Öitkenı kün suyǧannan berı jeke üilerden şyqqan tütınderdıŋ qala ekologiiasyna tigızıp otyrǧan zardaby köp. Ol turaly jauapty tūlǧalar äzırşe bas qalaǧa «tabiǧi gazdyŋ» qaşan keluı belgısız, bıraq ta osy baǧytta jaŋa jobalar qolǧa alynyp jatqandyǧyn baiandady.
Azamat ESENJOL
