KÖRNEKTI AQYNNYŊ AIŞYQTY KEŞI

Astana qalasy äkımdıgınıŋ qoldauymen Kongress-holda arqaly aqyn, dramaturg, halyqaralyq «Alaş» ädebi syilyǧynyŋ iegerı, QR eŋbek sıŋırgen qairatkerı Serık Tūrǧynbekūlynyŋ «Täuelsızdıkke taǧzym» atty şyǧarmaşylyq keşı öttı. Aqynnyŋ 70 jyldyǧyna arnalǧan keşte öleŋderı oqylyp, sözderıne jazylǧan änder şyrqaldy.

Aq tılekter aqtaryldy

Qazaqstannyŋ Halyq jazuşysy Säken serı Jünısov qazaqtyŋ qara öleŋınıŋ aqjal arystanyna teŋegen aqynǧa Memlekettık hatşy Gülşara Äbdıqalyqova, Parlament Senatynyŋ töraǧasy Qasym-Jomart Toqaev, «Nūr Otan» partiiasy Töraǧasynyŋ bırınşı orynbasary Mūhtar Qūl-Mūhammed, Jazuşylar odaǧy basqarmasynyŋ töraǧasy Nūrlan Orazalin, Atyrau ob­lysynyŋ äkımı Nūrlan Noǧaev joldaǧan qūttyqtau hattary oqyldy. Astana qalasynyŋ äkımı Äset İsekeşevtıŋ ızgı lebızın qala basşysynyŋ orynbasary Ermek Amanşaev jetkızdı.
– Qūrmettı Serık Tūrǧyn­bek­ūly! Sızdı ǧūmyryŋyzdyŋ asqaraly belesı – 70 jyldyq mereitoiyŋyzben şyn jü­rekten qūttyqtaimyn! Sız – qazaq poeziiasynda özındık orny bar, airyqşa qoltaŋbasy qalyptasqan körnektı aqynsyz. Qazaq ädebietıne qosqan üle­sıŋız oqyrman qauym tarapy­nan joǧary baǧalanyp, köp­şı­­lıktıŋ süiıktı aqynyna ainal­dyŋyz. «Mūqaǧali» dra­masy men «Keikı batyr» das­­­ta­nyŋyzdy halyq zor yqy­las­pen qabyldady. Osyndai şyǧar­malaryŋyz öskeleŋ ūr­paqqa taǧylymy mol mūra bop qalary sözsız. Jüregıŋızdıŋ tübınen möldır sezım bolyp aq qaǧaz betıne tüsken öleŋderıŋız halyqtyŋ süiıktı änderıne ainalǧany da aqiqat. Qadırlı Serık Tūrǧynbekūly! Būl aituly künde Sızge zor densaulyq, mol baqyt, şyǧarmaşylyq tabys tıleimın, – degen joldardy oqyǧan Ermek Ämırhanūly qala basşysynyŋ atynan aqynnyŋ iyǧyna şapan japty.
«Serık öleŋderı – aryndap alyp ta qaşpaityn, bır orynda tapjylmai tūra da bermeitın, boiynda qany bar baiypty, baisaldy jyrlar. Ol boiyndaǧy darynyn şaşpai-tökpei, asyqpai, aptyqpai, jaimen, aqylmen jyrlauǧa ūmtylady» degen eken kezınde Serık Tūrǧynbekūlynyŋ şyǧarmaşylyǧy jönınde aqiyq aqyn Mūqaǧali Maqataev. Jastyq şaǧynda Mūqaǧalidyŋ soŋyna erıp, ony ūstaz tūtqan aqynnyŋ qalamynan keiınnen «Mūqaǧali» dramasy tudy. Būl tuyndy Astanadaǧy Q.Quanyşbaev atyndaǧy mem­lekettık akademiialyq Qazaq muzykalyq drama teatrynyŋ repertuarynan tüspei kele jatqanyna da on bes jyldyŋ jüzı boldy. Keşte atalǧan dramadan üzındı körsetıldı.
Dastandary men dramala­ryna tarihi tūlǧalardyŋ ömırın arqau etetın Serık Tūr­ǧyn­bekūly «Şämşınıŋ änı» atalatyn pesany da jazyp tastapty. Basty rölge Jas­tar odaǧy syilyǧynyŋ iegerı Nūrai Tanabaev taŋdalǧan spektaklden de bır üzık körınıstı tamaşaladyq. Būiyrsa, kelesı jyly būl qoiylym qalyŋ kö­rer­menge de jetedı. Al būl keş­­tegı sahnalyq qoiylymdardy Qalekki teatrynyŋ ärtısterı äserlı oinap şyqty.

Tuǧan eldıŋ medalın taqty

Biyl – Qostanai obly­synyŋ 80 jyldyǧy.
Osy­ǧan orai oblys äkımınıŋ tap­syrmasymen «Tobyl-Torǧai» kümıs medalı jasaldy.
Onyŋ tūŋǧyş iegerı Serık Tūrǧyn­bekūly atandy. Son­dai-aq, keşte aqynǧa özınıŋ tuǧan jerı – Jangeldin auda­nynyŋ «Qūrmettı azamaty» ataǧy tapsyryldy.
Kompozitor Qarasai Saijanov Serık Tūrǧynbekūlyna «Serık serı» atty küi de arnaǧan eken. Būl küidı Astana qalasy memlekettık akade­miialyq filarmoniiasynyŋ Qazaq orkestı (dirijerı QR Mädeniet qairatkerı Nūrlan Bekenov) oryndady.
Qazaqstannyŋ Eŋbek Erı, Halyq jazuşysy Äbış Kekıl­baiūly aqynnyŋ «Keikı batyr» dastany jö­nın­de «Qazaq öleŋınıŋ ja­lynda qūiyndai oinaityn şaban­doz aqyn Serık Tūr­ǧynbekūly būl dastanynda su şai­qalmas jorǧadai tögılıp-aq ba­ǧypty. Küllı ūlt bolyp öz tarihymyzdy saralap jatqan ruhani ızdenıske örelı üles qosqan talantty suretkerge riza bol­masqa haqyŋyz joq» degen pıkırın aitqan. Būl poema turaly halqymyzdyŋ taǧy bır dara tūl­ǧasy Aqseleu Seidımbek: «Das­tan qazaq topyraǧynda qalyp­tasyp, qabyrǧa qataitqan oqi­ǧaly poe­malardyŋ ülgısınde jazylǧan. Jat jūrttyŋ ruhani ürdısıne elıkteu de, solyqtau da joq. Söite otyryp bes ǧa­syrlyq mektebı bar qazaq poe­ziia­synyŋ poetikalyq mol ǧib­ratyn aqyn Serık qapysyz paidalanyp otyrady» degen.

15 jasynda änge söz jazdy

Aldyŋǧy tolqyn aǧalardan osyndai köŋıldı ösıretın sözderdı estıgen aqynnyŋ qara öleŋde de, ädebiettıŋ poema, drama janrlarynda da jetken tabystary jeterlık. Al Serık Tūr­ǧynbekūlynyŋ än mätınderı – bölek dünie. 100-den astam änge söz jazǧan aqyn Äbılahat Espaev, Äset Beiseuov, Eskendır Hasanǧaliev, Seidolla Bäiterekov, Keŋes Düisekeev, Altynbek Qorazbaev, Qalibek Derıpsaldin, Marat Omarov syndy tanymal kompozitorlarmen şyǧarmaşylyq odaq qūrǧan. Keibır änder qazır belgılı bolyp jürgen bırqatar änşılerdıŋ önerınıŋ örısteuıne de jol aşqan. Mäselen, Qanat pen Aitkül Qūdaibergenovter Serık aqyn sözın jazǧan Äset Beiseuovtıŋ «Jolyŋ bolsyn, jolauşy» änımen köpşılıkke tanyldy. Osy jūp aqyndy me­reitoiymen qūttyqtap, atalmyş änge saldy.

Sonau alpysynşy jyldar­dyŋ basynda Serık Tūrǧynbek­ūlynyŋ darynyn talantty kom­pozitor Bolat Hamzin bai­qaidy. Söitıp otyryp, on bes jasar aqynǧa «Torǧai qyzy» degen änge söz jazuǧa tap­­syrys beredı. Bala aqyn onyŋ būl tılegın oryndaidy. Mıne, sodan berı būl än Torǧai atyra­bynda şyrqalyp keledı. Keşte būl ändı änşı Otarkül Mūqa­tova tamyljytty. Sondai-aq, Sūluşaş Nūrmaǧambetova, Sembek Jūmaǧaliev, Tamara Asar, Nūrǧali Tūrlybekov, Marat jäne Zarina Omarovtar, Gülzira Bökeihanqyzy, Jazgül Daŋylbaeva aqyn sözıne jazylǧan änderdı saldy.
QR Halyq ärtısı Nūrǧali Nüsıp­janovtyŋ Almaty qalasy­nan at arytyp jetuı köpşı­lıkke ülken syi boldy. Filar­moniianyŋ Qazaq orkestrınıŋ süiemeldeuımen Äset Bei­seuov­tıŋ «Saǧynyp keldım, Torǧaiym» änın şyrqaǧan maitalman änşı älı de babynda ekenın körsettı. Sondai-aq, Torǧaidan şyqqan talantty änşı Ǧaziza Jūmekenova men Zaǧipa İmanǧazieva da jandy dauysta änderdı oryndady.
Serık Tūrǧynbekūlyn elı qūr­metteidı eken. Aqynnyŋ mereiın ösırgen būl keştıŋ ūiym­das­tyryluy osyǧan köz jetkızdı.

Amanǧali QALJANOV