Qauıpsızdık mäselesı qataŋ baqylauda

Keşe Nūr-Sūltan qalasy äkımınıŋ orynbasary Baqtiiar Mäkennıŋ töraǧalyǧymen qaladaǧy bılım beru ūiymdarynda qauıpsızdıktı qamtamasyz etu mäselesı talqylandy. Jiyn barysynda oqu oryndary basşylary tarapynan bırqatar tüitkılder köterılıp, tiıstı tapsyrmalar berıldı.– Elbasynyŋ tapsyrmasymen 2020 jylǧa deiıngı qalany damytu baǧdarlamasy qabyldandy. Onyŋ basty maqsattarynyŋ bırı – azamattardyŋ qauıpsızdıgın qamtamasyz etu. Elordada «Sergek» beine-fototırkeuı jüiesı engızılıp, tabysty jūmys ıstep jatyr. Äsırese, bılım beru ūiymdarynyŋ qauıpsızdıgı erekşe baqylauǧa alyndy. Barlyq beine-­fotojazbalar iKomek-109 qalalyq monitoring jäne jedel äreket etu ortalyǧyna kelıp tüsedı. Sonyŋ ışınde aşyq qūdyqtar mäselesı öte maŋyzdy bolyp otyr. Qalanyŋ kommunaldyq qyzmetterı 42 myŋdai qūdyqqa qyzmet körsetedı. Būǧan qosa, «Qazaqtelekom», basqa da osy siiaqty respublikalyq ūiymdarǧa qaraityn qūdyqtar da bar. Sondyqtan qauıpsızdık mäselesın ärdaiym qataŋ baqylauda ūstap otyrmyz. Kelesı jylǧa būl mäsele boiynşa belgılı bır jospardy äzırlep qoidyq, – degen B.Mäken mektepterdıŋ ört qauıpsızdıgın qamtamasyz etu maqsatynda «Antipanika» jüiesı ornatylǧanyn jetkızdı.
Taraz qalasyndaǧy rezonans tudyrǧan oqiǧaǧa bailanysty kämeletke tolmaǧandarǧa qarsy jasalatyn qylmystardyŋ aldyn alu jūmysyn küşeitu kerektıgın aitqan qala basşysynyŋ orynbasary būl jūmysqa ata-analardy da tartu qajettıgın atap öttı.
– Memlekettık organdar äreketınıŋ naqty algoritmın äzırleu kerek. Mektepterdegı tiıstı jūmys­tardyŋ josparyn qaita qarap, jedel şeşudı qajet etetın mäselelerdı tıkelei şeşetın tärtıpke köşıru kerek, – dedı qala äkımınıŋ orynbasary.
Nūr-Sūltan qalasy Jergılıktı polisiia qyzmetı basqarmasynyŋ bastyǧy Ǧosman Jakin bılım beru
ūiymdarynda qylmystardyŋ aldyn alu jäne qauıpsızdıktı qamtamasyz etu jūmysyna toqtaldy. Odan keiın söz alǧan iKomek-109 qalalyq monitoring jäne jedel äreket etu ortalyǧy basşysynyŋ orynbasary Asylbek Būrbaev oqu oryndaryn beinebaqylau kameralarmen qamtu jūmysyna toqtaldy. Qalalyq Bılım basqarmasy basşysynyŋ mındetın atqaruşy Baǧlan Smataeva bılım beru ūiym­dary qauıpsızdıgı boiynşa esep berdı.
Jiyn barysynda mektep inspektorlarynyŋ jetıs­peu­şılıgı mäselesı köterıldı. «Būl mäselenı jaqynda mektep direktorlarymen bırge talqyladyq. Qorytyndysynda tiıstı mäsele boiynşa bırqatar tüitkılderdı anyqtadyq. Oǧan keşendı türde kelu kerek. İnspektorlar qyzmetın köbınese äielder atqarady. Olar dekrettık demalysqa şyqqan soŋ, bosaǧan orynǧa adam kele qoimaidy. Bızde kadr tapşylyǧy bar» degen B.Mäken otyrys qorytyndysynda bırqatar tapsyrmalar berdı.