Astanada sauda jäne oiyn-sauyq ortalyqtary men adamdar köp şoǧyrlanatyn oryndarda ört qauıpsızdıgı şaralaryn qamtamasyz etu maqsatynda jospardan tys qosymşa tekserıster jürgızıledı. Būl turaly qala äkımdıgınde brifing ötkızgen Astana äkımınıŋ baspasöz hatşysy Elvira Jürgenbaeva mälımdedı, dep habarlady qalalyq äkımdıktıŋ resmi saity.
Astanada 60-tan astam densaulyq saqtau oryndary, 300 mektepke deiıngı bılım beru ortalyǧy, 100 mektep jäne 10 arnaiy bılım beru mekemesı, 50 joǧary oqu oryndary men kolledjder bar. Sonymen qatar, 117 sauda nysany jūmys ısteidı, sonyŋ ışınde 83-ı – sauda üiı, 9-y – ırı sauda-oiyn-sauyq ortalyǧy, 25-ı – bazar jäne 200-den astam qonaq üi, 60 hostel jäne 600-den astam adamdar tamaqtanatyn qoǧamdyq oryndar bar.
«Astana qalasy boiynşa örttıŋ, tötenşe jaǧdaidyŋ aldyn alu ärdaiym jauapty mekemelerdıŋ baqylauynda. Jyl saiyn josparly türde tekseru şaralary jürgızılıp otyrady. Onyŋ ışınde bılım beru, densaulyq saqtau salasyna tiesılı nysandarda ört qauıpsızdıgın saqtau erekşe baqylauda» dedı Elvira Jürgenbaeva.
Nauryz aiynan bastap Astana qalasyndaǧy 70 bılım beru mekemesınıŋ ört qauıpsızdıgı tekserılgen. Aǧymdaǧy jyldyŋ mamyr aiyna deiın barlyq bılım beru mekemelerı tekserıledı. Tekseru komissiiasynyŋ qūramynda TJD-nıŋ, Bılım basqarmasynyŋ ökılderımen qatar ata-analar da bar.
«Qazırgı künı qalamyzdaǧy 9 sauda jäne oiyn-sauyq ortalyǧynyŋ 6-uy tekserıldı. Üş ortalyqtan 32 ereje būzuşylyq anyqtalǧan. Üş adam äkımşılık jauapkerşılıkke tartylyp, olarǧa aiyppūl salyndy. Ekı ortalyqqa audit jürgızıldı, al bır nysanǧa (Mega Silk Way Astana) tekseru osy jyly jasalady. Biyl erekşe tärtıppen Astanadaǧy 50 sauda nysanyna tekseru jürgızıledı. Tekseru kezınde qauıpsızdık tehnikalary erejesınıŋ saqtaluy, ört söndıru jüiesı men habarlandyru, dabyldy eskertu, evakuasiia syzbasy men apattyq şyǧu joldaryna basa män berıledı» dedı Elvira Jürgenbaeva.
Tekseru barysynda syrtqa şyǧu joldarynyŋ jaǧdaiy, jaryq beruşı elektr jelılerı men quat közderınıŋ jai-küiınıŋ tiıstı deŋgeide boluy, ört jaiynda dabyl beretın avtomatty jüienıŋ dūrystyǧy, ışkı jäne syrtqy örtke qarsy su jabdyǧy men ört söndıru qūraldarynyŋ saqadai sai tūruyna basa män berıledı.
Tölen TILEUBAI
