Bokstan Qazaqstan ūlttyq qūramasy bügın İndoneziia astanasy Djakarta qalasynda ötetın HVII jazǧy Aziia oiyndaryna attandy. El namysyn qorǧaityn bylǧary qolǧap şeberlerın jüzdegen janküier Nūrsūltan Nazarbaev halyqaralyq äuejaiynan qoşemetpen şyǧaryp saldy.
Törtkül düniede ötetın dübırlı dodalardan jüldesız qaitpaityn boks qūramasynyŋ maqsat-müddesı jaily Qazaqstan Respublikasynyŋ bokstan memlekettık jattyqtyruşysy Bolat Abdrahmanov äŋgımelep berdı.
– Bolat Ükıbaiūly, aldymen sättı sapar tıleimız! Aziia oiyndarynyŋ maŋyzdylyǧyna toqtalyp ötseŋız.
– Aldymen bız de gazet arqyly boks dese ışken asyn jerge qoiatyn janküierlerımızge rizaşylyǧymyzdy bıldıremız. Aziia oiyndaryn osy bızdıŋ ülken qūrlyqtyŋ olimpiada oiyndary dese bolady. Tört jylda bır ötetın bairaqty jarysqa barlyq elder baryn salyp daiyndalady. Eŋ myqty sportşylaryn äkeledı. Būl rette Qazaqstan ūlttyq olimpiada komitetınıŋ basşysy Timur Qūlybaev myrza bızdıŋ sportşylardyŋ jaqsy daiyndalyp, nätijelı öner körsetuı üşın barlyq jaǧdaidy jasaudy tapsyrdy. Al bız bolsaq öz tarapymyzdan, iaǧni boksşylar qūramasy el qorjynyna köbırek medal tüsırudı maqsat etıp otyrmyz.
– AİBA kelısımımen Aziia oiyndaryna erler jarysyndaǧy üş salmaq qatyspaityn boldy. Būl ūiǧarym bızge qanşalyqty äser etuı mümkın?
– Bız halyqaralyq ūiymdardyŋ müşesı bolǧandyqtan, mūndai şeşımderge qarsylyq bıldıre almaimyz. Ärine, üş salmaqtyŋ qatyspauy bız üşın ülken problema tudyrdy. Mäselen, Niiazymbetov te, Levit te, Qonqabaev ta jüldesız qaitpaityn edı dep oilaimyn. Degenmen basqa boksşylarymyz da jerge qaratpaitynyna senımdımın.
– Esımızge tüsırsek, osyǧan deiıngı Aziia chempionatynda bızdıŋ qūrama bır-aq altyn alyp, qalyŋ janküierdıŋ köŋılın tüsırıp alǧan edı. Osyndai jaǧdai qaitalanuy mümkın degen qauıp joq pa?
– Bız qaşanda Aziiada eşkımge joldy bermeitın edık. Endı bır jarysta osyndai jaǧdai oryn aldy eken dep tüŋılıp ketuge bolmaityn şyǧar. Bır jerden qatelıkter ketuı de mümkın ǧoi. Öitkenı būl – sport. Bırde bap şapsa, bırde baq şauyp ketedı. Eŋ bastysy, bügıngı taŋda ūlttyq qūramanyŋ negızı bırtındep özgerıp, jas boksşylar qosylyp jatyr. Būl jerde aitatyn bır jai bar. Aziia boksy būrynǧydan da qarqyndy damyp barady.
– Ūlttyq qūramanyŋ daiyndyǧy qalai öttı?
– Jaqsy öttı. Ūlttyq olimpiada komitetı, Mädeniet jäne sport ministrlıgı jäne Qazaqstan boks federasiiasy tarapynan jan-jaqty qoldau jasaldy. Boksşylarymyz jyl basynan berı bırneşe halyqaralyq jarystarǧa qatysty. Sondai-aq, Angliia, Özbekstan, Resei, Belarus boksşylarymen bırlesken jattyǧular ötkızdık. Osynyŋ bärı öz jemısın beruge tiıs.
– Djakarta şarşy alaŋynda el namysyn kımder qorǧaidy?
– Ataqty bapkerımız Myrzaǧali Aitjanovtyŋ qūramynda Temırtas Jüsıpov (49 kelı), Azat Mahmetov (52 kelı), Qairat Eraliev (56 kelı), Samatäli Toltaev (60 kelı), Bekdäulet İbragimov (64 kelı), Aslanbek Şymbergenov (69 kelı) jäne Äbılhan Amanqūl (75 kelı) öner körsetedı. Al Vadim Prisiajniuk baptaityn äielder boksynda Nazym Qyzaibai (51 kelı), Säniia Sūltanqyzy (57 kelı) jäne Rimma Volosenko (60 kelı) şarşy alaŋǧa şyǧatyn boldy.
– Al endı altyn alatyn boksşylardy atai alasyz ba?
– Joq, atamaimyn. Osy boksşylardyŋ bärıne ümıt artamyz. Qazaq boksşylary älemdık jarystardan eşqaşan qūr alaqan qaitpaǧan. Būl joly da solai bolady dep oilaimyn. Körıŋızder, senıŋızder.
Qazaqstan boksşylarynyŋ Aziia
oiyndaryndaǧy körsetkışterı
1998 jyl. Bangkok, Tailand.
Ermahan İbraiymov, 67 kelı, altyn medal
Mūhtarhan Dıldäbekov, + 91 kelı, altyn medal
2002 jyl. Pusan, Oŋtüstık Koreia.
Nūrjan Kärımjanov, 60 kelı, altyn medal
Gennadii Golovkin, 67 kelı, altyn medal
2006 jyl. Doha, Katar.
Baqyt Särsekbaev, 69 kelı, altyn medal
Baqtiiar Artaev, 75 kelı, kümıs medal
Mūhtarhan Dıldäbekov, + 91 kelı, kümıs medal
Galib Djafarov, 57 kelı, qola medal
Serık Säpiev, 64 kelı, qola medal
Dmitrii Gotfrid, 91 kelı, qola medal
2010 jyl. Guanchjou, Qytai.
Daniiar Eleusınov, 64 kelı, altyn medal
Serık Säpiev, 69 kelı, altyn medal
Bırjan Jaqyp, 49 kelı, kümıs medal
İvan Dychko, + 91 kelı, kümıs medal
Danabek Sujanov, 75 kelı, qola medal
Äielder boksynda:
Saida Hasenova, 57 kelı, kümıs medal
2014 jyl. İnchhon , Koreia.
Iliias Süleimenov, 52 kelı, altyn medal
Daniiar Eleusınov, 69 kelı, altyn medal
Jänıbek Älımhanūly, 75 kelı, altyn medal
Ädılbek Niiazymbetov, 81 kelı, altyn medal
Anton Pinchuk, 91 kelı, altyn medal
İvan Dychko, +91 kelı, altyn medal
Bırjan Jaqyp, 49 kelı, kümıs medal
