«Qazaqstan Respublikasy Prezidentınıŋ 2016 jylǧy 6 mamyrdaǧy Jarlyǧymen Jer kodeksınıŋ keibır normalaryn qoldanuǧa moratorii jariialandy.
Memleket basşysynyŋ tapsyrmasymen Jer reformasy boiynşa komissiia qūryldy. Onyŋ qūramyna azamattyq qoǧam instituttarynyŋ basşylary men belsendılerı kırdı.
Azamattar Komissiia jūmysyna öŋırlerde qūrylǧan qoǧamdyq keŋester arqyly da qatysa alady.
Komissiia otyrysynda pıkır almasu barynşa aşyq. Onyŋ qyzmetı aqparat qūraldarynda tūraqty jariialanuda. Arnaiy aşylǧan jerturaly.kz saitynda qazaqstandyqtar öz sūraqtaryn Komissiiaǧa qoiyp, ūsynys-tılekterın bere alady.
Bır sözben, jer mäselesı boiynşa kez kelgen pıkır bıldıru üşın barlyq jaǧdai jasalǧan.
Alaida, keibır adamdar osyndai jaǧdai men zaŋ talaptaryn elemei, ortaq dialogtan qaşyp, halyqty zaŋsyz qarsylyq aksiialaryna şaqyruda.
Äleumettık, ūltaralyq arazdyqty qozdyru üşın jalǧan aqparat ädeiı taratylyp jatyr.
Mūndai äreketter Qazaqstan Respublikasynyŋ zaŋdaryna qaişy keledı.
Osyǧan bailanysty qoǧamdyq tūraqtylyqty saqtau üşın el azamattaryn mūndai arandatuǧa boi aldyrmauǧa, azamattyq ūstanym men jauapkerşılık tanytuǧa şaqyramyn.
«Prokuratura turaly» Zaŋnyŋ 25-2-babyn basşylyqqa alyp, zaŋsyz mitingke şaqyru, ony ūiymdastyru, tıptı oǧan qatysudyŋ özı äkımşılık nemese qylmystyq jauapkerşılıkke äkep soǧatynyn eskertemın.
Qūqyq qorǧau organdary kez kelgen zaŋ būzuşylyqtyŋ jolyn kesıp, qylmystyq qudalauǧa deiın zaŋda közdelgen şaralardy dereu qabyldauǧa mındettı.
