QAZAQSTAN – RUMYNİIа MATChY KEZINDE JOL QOZǦALYSY ŞEKTELEDI
2016 jyly 11 qazan künı saǧat 22.00-de «Astana Arena» stadionynda Qazaqstan men Rumyniia arasyndaǧy ūlttyq qūramalar futbol matchy ötedı.
Osyǧan orai bügın 20.00-den bastap Qabanbai batyr jäne Tūran daŋǧylynyŋ Kerei Jänıbek handar köşesınen Husein Ben Talal köşesıne deiıngı jol qozǧalysy match aiaqtalǧanǧa deiın toqtatylady. Jürgızuşılerge Orynbor köşesımen ainalyp jüru ūsynylady.
Astana qalasy IID Jergılıktı polisiia qyzmetı jürgızuşılerden jolda mūqiiat boluyn jäne būqaralyq şaranyŋ ötuıne bailanysty jeke kölıkterınen bas tartudy sūraidy. Astana qalasy Halyqaralyq äuejaiyna jol jürudı josparlaǧan azamattarǧa jäne jaqyn audandardaǧy tūrǧyndarǧa aldyn-ala balamaly jol qozǧalysyn josparlaudy ūsynamyz.
Futbol matchy janküierlerıne jinalu jäne jetkızu arnaiy reistarmen bes punktten kelesı meken-jai boiynşa jürgızıledı:
- «Qazaqstan» SK kölık tūraǧynan (Qajymūqan köşesı);
- «Hazret Sūltan» meşıtınen (Qoşqarbaeva daŋǧyly);
- «Nūr Astana» meşıtınen (şyǧys jaǧynyŋ kölık tūraǧy );
- Qalalyq sirk kölık tūraǧynan (Qorǧaljyn şossesı kölık tūraǧy);
- Q.Mūŋaitpasov atyndaǧy stadionnyŋ kölık tūraǧynan (Kenesary köşesı).