Keşe Astana qalasy mäslihatynyŋ zaŋdylyq, qūqyq tärtıbı jäne qoǧammen jūmys mäselelerı jönındegı tūraqty komissiiasynyŋ otyrysynda ekı mäsele qaraldy.
Alǧaşqy bolyp deputattar aldynda Astana qalasy Qoǧamdyq damu ısterı basqarmasynyŋ basşysy Daniiar Esin 2019-2021 jyldarǧa arnalǧan biudjet jobasy turaly baiandady.
Aǧymdaǧy jyly basqarma qaladaǧy basqa da memlekettık organdarmen bırlese otyryp, Astananyŋ 20 jyldyǧyn toilauǧa bailanysty ıs-şaralardy jüzege asyru, ūltaralyq kelısımdı nyǧaitu jäne jastar saiasatyn jetıldıruge baǧyttalǧan auqymdy jūmystar atqardy. Osyndai josparlanǧan jūmystardy jüielı jürgızudıŋ nätijesınde jastar saiasatynda oŋ özgerıster oryn alyp, jūmyspen qamtu mäselesınde de ılgerıleuşılıkter baiqaldy.
2019 jylǧa basqarma apparatyn ūstauǧa 253 million teŋge bölınse, memlekettık saiasatty aqparattyq tūrǧyda nasihattauǧa 817 million teŋge qarastyrylyp otyr.
2019-2021 jyldarǧa biudjet jobasynda közdelgen qarjy kölemıne jeke-jeke toqtalǧan Daniiar Esin kelesı «Jastar jylyna» bailanysty da atqarylatyn jūmystardy da jan-jaqty baiandap berdı. Bırqatar deputattar basqarma basşysynyŋ baiandamasyn talqylai kele, jastar saiasaty boiynşa qolǧa alynatyn jobalardy qoldaitynyn bıldırdı.
Komissiia otyrysynda Astana qalasy äkımdıgınıŋ iKomek monitoring şūǧyl äreket etu ortalyǧynyŋ basşysy Jannat Dübırova baiandama jasap, aldaǧy jyldyŋ biudjetıne qatysty atqarylar josparly jūmystary jaily söz ettı.
Talqylanǧan mäseleler boiynşa deputattar da öz oi-pıkırlerın bıldırıp, ūsynystaryn ortaǧa saldy.
