Keşe Astana qalasy Qoǧamdyq keŋesınıŋ otyrysynda 2019-2021 jyldarǧa arnalǧan qala biudjetınıŋ jobasy qaraldy. Tiıstı jobamen qalalyq Strategiialyq jäne biudjettık josparlau basqarmasynyŋ basşysy Rasul Orazǧūlov tanystyrdy.
Qūrylys jäne tūrǧyn üi saiasaty basqarmasyna üş jylǧa 48 mlrd teŋge bölu qarastyrylǧan. Sonyŋ 31 mlrd teŋgesı kelesı jylǧa tiesılı. Qaladaǧy mektepter tyǧyzdyǧy problemasyn şeşu üşın 6 mektep pen 4 qosymşa ǧimarat qūrylysyn aiaqtauǧa 5,2 mlrd teŋge jäne respublikalyq biudjetten 8 mektep pen 4 qosymşa ǧimaratty saluǧa, Saryarqa audanynda 800 orynǧa arnalǧan käsıptık mektep qūrylysyn aiaqtauǧa qarjy qarastyrylǧan. Būǧan qosa, «Nūrly jol» baǧdarlamasy şeŋberınde tūrǧyn üilerdı saluǧa 13,6 mlrd teŋge bölınbek.
1-JEO men 2-JEO jaŋǧyrtu jūmystary da jalǧaspaq. Būl mäsele boiynşa Qoǧamdyq keŋes töraǧasy Sansyzbai Esılov 3-JEO qūrylysynyŋ bırınşı kezeŋın aiaqtau boiynşa da köp sūraqtar tuyndap jatqanyn jetkızdı.
«Men «Astana-Energiia» AQ direktorlar keŋesınıŋ müşesımın. Künı keşe ǧana keŋes otyrysy ötıp, onda aldaǧy üş jyldyŋ josparlary talqylandy. Sonda jylu energiiasy boiynşa rezervter qalmaǧany aityldy. Ol tüsınıktı de, qala halqy millionnan asty. 1-JEO men 2-JEO böletın jylu energiiasy tiıstı nysandarǧa taratyldy. Ötken jyly şaharda 2 mln 400 myŋ şarşy metr tūrǧyn üi paidalanuǧa berıldı. Biyl salynatyn şarşy metrler 2 millionnan aspaq. Al äleumettık jäne käsıpkerlık nysandar jyludy kütıp otyrmaidy ǧoi. Sondyqtan būl mäselege mūqiiat bolu kerek. Qalalyq Otyn-energetikalyq keşenı jäne kommunaldyq şaruaşylyq basqarmasynan tiıstı anyqtamany bızge ūsynudy sūraimyn» dedı S.Esılov.
Qalada hospis salu mäselesı qalalyq mäslihat otyrystarynda bırneşe märte qaraldy. Qoǧamdyq keŋes te mūny attap kete almady. Būǧan qosa, keŋes otyrysynda mektep ashanasy mäselesı de qaita köterıldı. Keŋes müşesı Tölegen Quanyşev biudjet qarjysyn bölgende tiıstı jyldarǧa säikes tepe-teŋdıktı saqtau jaiyn qozǧady.
