QHA su tasqynynan zardap şekken öŋırlerge Astanadan gumanitarlyq kömek jıberdı, dep habarlaidy astana-akshamy.kz
Elordalyq Dostyq üiınıŋ alaŋynan Qazaqstan halqy Assambleiasynyŋ «Jürekten jürekke» qaiyrymdylyq jobasy aiasynda su tasqynynan zardap şekken öŋırlerge kezektı gumanitarlyq kömek jıberıldı, dep habarlaidy elorda äkımdıgınıŋ resmi saity.
Ūiymdastyruşylardyŋ aituynşa, būl joly Soltüstık Qazaqstan oblysyna qajettı zattary bar jük kölıkterı jöneltıledı. Is-şaraǧa elordalyq QHA etnomädeni ortalyqtarynyŋ müşelerı men jastary qatysty.
«Bırneşe aimaqta su tasqyny bolyp jatyr, erıktıler qiyn uaqytta şette qalmady. Bızdıŋ köptegen otandastarymyz su tasqynynan zardap şekkenderge kömektesedı. Qazaqstan halqy Assambleiasy ärdaiym kömek qolyn sozyp keledı», – dedı Qazaqstan halqy Assambleiasynyŋ müşesı, QR “Dustlik» özbek qauymdastyǧy töraǧasynyŋ orynbasary Hasan Şärıpov.
Qaiyrymdylyq jobasy barlyq qazaqstandyqtardyŋ qoldauyna ie bolyp, berık bırlıktıŋ simvolyna ainaldy. Oǧan elımızdıŋ tükpır-tükpırınen 11 myŋnan astam QHA erıktılerı tartylǧan.
Esterıŋızge sala keteiık, būǧan deiın Qazaqstan halqy Assambleiasynyŋ «Jürekten jürekke» qaiyrymdylyq jobasy aiasynda Astanadan Aqmola, Qaraǧandy jäne Soltüstık Qazaqstan oblystaryna gumanitarlyq kömek jıberılgen bolatyn.
Esterıŋızge sala keteiık, būǧan deiın Astanadan su tasqynynan zardap şekken öŋırlerge 1 myŋ tonnadan astam gumanitarlyq kömek jıberılgen bolatyn. Jinalǧan kömektıŋ ışınde kiım, tamaq, gigiena qūraldary men aiaq kiım negızgı oryndy alady.
Elordada gumanitarlyq kömektı qabyldaityn 9 punkt jūmys ısteidı, oǧan 30-ǧa juyq erıktıler ūiymdary qatysuda. Kün saiyn 200-den astam erıktı qajettı zattardy sūryptaidy. Erıktıler qarjylyq kömektı qabyldamaidy. Niet bıldıruşıler qajettı zattardy jinap, jinau oryndaryna apara alady.
