Astanada «Taza Qazaqstan: Astana – tazalyq pen tärtıptıŋ ülgısı» atty auqymdy ekologiialyq aksiia ötıp jatyr, dep habarlaidy astana-akshamy.kz
Būl apta «Kielı meken» ūranymen ötıp, tarih jäne mädeniet eskertkışterınıŋ aumaǧyn abattandyruǧa arnalǧan. Oǧan qala tūrǧyndary, eŋbek ūjymdary, mädeniet jäne sport qairatkerlerı, memlekettık qyzmetkerler, şaǧyn jäne orta biznes (bazarlar, sauda jäne oiyn-sauyq ortalyqtary, kafeler, meiramhanalar jäne t.b.), erıktıler, mektep oquşylary men studentter, MİB (PİK) jäne t.b. qatysty.
Elordanyŋ kommunaldyq qyzmetkerlerı qalany abattandyru men tazalauǧa qoldau körsetıp qana qoimai, türlı aksiialardy, chellendjderdı, tabiǧatty qorǧau şaralaryn ūiymdastyryp jürgen astanalyqtarǧa alǧys bıldırdı.
«Taŋerteŋnen berı qalany tazalaumen ainalysyp kelemız. Osyndai qamqorlyq körsetıp, belsendılık tanytqandarǧa alǧysymyz şeksız», – dedı kommunaldyq qyzmetkerlerdıŋ bırı.
Keŋ kölemdı ekologiialyq nauqan aiasynda qalany, nöser jäne aryq kärız jelılerın sanitarlyq tazalau, köşelerdı, jaiau jürgınşıler joldaryn, kvartalışılık aumaqtardy, qoǧamdyq oryndar men aulalardy tazalau jūmystary da jürgızılude. Sondai-aq jasyl jelekterdı kütıp-baptau jäne kögaldandyru, sauda nysandaryna jaqyn aumaqtardy tazalau, kögaldar men gülzarlardy retke keltıru, rūqsat etılmegen qoqystardy joiu jäne t.b. jūmystar jürgızılıp jatyr.
Ekoaksiiaǧa qatysuşylar arasynda (20-21 säuır) fitnes-klubqa üş jazylym boiynşa baiqau ötkızıledı. Oǧan kez kelgen adam qatysa alady.
Ol üşın sızge: Astana äkımdıgınıŋ Instagram jelısındegı resmi akkauntyna (@akimat__astana) tırkelu, Instagram jelısındegı ekoaksiiada tüsırılgen videonyŋ tüpnūsqasyn jüktep, ony #tazaAstana, #eco-actionAstana heştegterımen belgıleu qajet. Post retınde jariialanuy kerek, stories emes).
Baiqau jeŋımpazdary 23 säuırde anyqtalady. Videony kez kelgen jerde, tıptı aulaŋyzdy tazalau kezınde tüsıre alasyz.
Astanada qalanyŋ barlyq audanynda jalpy tazalyq jūmysy jürıp jatyr. Köpırler, maŋdaişalar, qorşaular, aialdamalar juylady, jöndeu-qalpyna keltıru jūmystary jürgızılude, gülzarlar, saiabaqtar, qoǧamdyq oryndar jäne t.b. qoqystan tazartyldy.
Jol jūmystary da bastalyp kettı. Biyl 200-den astam köşedegı şūŋqyrlardy jöndeu jūmysy jürgızılse, taǧy 50-den astam köşe ortaşa jöndeuden ötedı. Sondai-aq trotuarlardy, aulalardy, qoǧamdyq oryndardy abattandyru jūmystary jürgızıledı.
Esterıŋızge sala keteiık, būl apta «Kielı meken» dep atalady jäne tarih jäne mädeniet eskertkışterınıŋ aumaǧyn abattandyru jūmystaryna arnalǧan.
Elordada tūrǧyndarynyŋ belsendılıgımen tazalyq jürgızılıp, mädeni mūra nysandarynyŋ qasbetterın, eskertkışter men ırgeles aumaqtardy retke keltıru jūmystary jürgızıldı.
«Jasyl aimaq» dep atalatyn üşınşı apta aǧaş otyrǧyzuǧa, ekpelerdı aqtauǧa arnalady.
4 mamyrǧa deiıngı kezeŋ – «Önegelı ūrpaq», ol ardagerler tūratyn aulalardy jäne qarttar üilerınıŋ aumaqtaryn tazalauǧa jäne abattandyruǧa arnalady.
Soŋǧy, besınşı apta «Möldır būlaq» dep atalady. Būl aptalyqta su aidyndary – özender men kölderdıŋ ainalasy qoqystan tazartylady.
