Keşe qalalyq mäslihatta Qoǧamdyq keŋestıŋ kezektı otyrysy öttı. Onda bırqatar qūqyqtyq aktılerdıŋ jobalary talqylandy.
Bırınşı mäsele boiynşa qalalyq memlekettık säulet-qūrylysyn baqylau basqarmasynyŋ jetekşısı T.Qūlyşevtyŋ ūsynysy tyŋdaldy. Al qala şekarasyn keŋeitu turaly Astana qalasynyŋ jer qatynastary basqarmasynyŋ basşysy T.Nūrkenov özgerısterdıŋ Astana halyqaralyq äuejaiyndaǧy jaŋa terminal qūrylysy üşın ūlttyq panteon men qalalyq ziratqa oryn bölu üşın tuyndaǧan qajettılık ekenın aitty. «Josparlanyp otyrǧan keşendı şaralardy jüzege asyru üşın Aqmola oblysy Selinograd audanyndaǧy Maibalyq kölınıŋ janynda qalaǧa ırgeles jatqan jalpy audany 7300 gektar jer qala aumaǧyna qosylyp alynbasa, ony ıske asyru mümkın emes» dedı basqarma basşysy.
Astana qalasy äkımı apparaty jetekşısınıŋ orynbasary Älnūr Seidumanov BAQ, biznes ökılderıne jäne azamattarǧa memlekettık mälımetter bazasyn keŋınen paidalanuǧa mümkındık beretın aşyq mälımetter internet-portalynda jariialanatyn aqparattar tızımın talqyǧa saldy. «Barlyq aqparat bır jerge jäne yŋǧaily bolatyndai jinalady. Aldaǧy uaqytta aşyq mälımetterdıŋ ışınde özektendıru kezeŋı, merzımderı, derekközder, jauapty tūlǧalardyŋ deregı berıledı. Aldaǧy uaqytta tızım keŋeie tüspek, – dedı Ä.Seidumanov.
Atalǧan joba Qoǧamdyq keŋes müşelerımen bırauyzdan bekıtıldı.
Aigül UAISOVA
