Qala tūrǧyndary kez kelgen būzaqylyqqa beijai qaramau kerek. Äsırese, halqynyŋ sany künnen künge köbeigen Astana üşın erıktı kömekşılerdıŋ qolǧabysy kerek-aq. Bügınde Işkı ıster departamentı Jergılıktı polisiia qyzmetımen qoian-qoltyq jūmys ıstep kele jatqan 900-den asa azamat bar.
Polisiia qyzmetkerlerıne kömektesıp jürgen qala tūrǧyndarynyŋ arasynda student jastardan qūralǧan 217 jedel saqşy men konserj, 343 memlekettık emes küzet qūrylymdarynyŋ qyzmetkerı, tıptı, 40-qa juyq ardager de bar.
2016 jyldyŋ alǧaşqy üş aiyndaǧy qorytyndy boiynşa osy qoǧamdyq kömekşılerdıŋ kömegımen 4 qylmys jäne 165 äkımşılık qūqyq būzuşylyq anyqtalyp, 210 azamat uchaskelık polisiia punktıne jetkızılıptı.
Erıktı kömekşılerdıŋ ışınde talai adamnyŋ ömırın qūtqaryp, mülıktı aman alyp qalǧandar da barşylyq. Mysaly, Mädina Jūmabekova atty qala tūrǧyny köpqabatty tūrǧyn üidegı aşyq terezenıŋ şetınde otyrǧan balany baiqap qalady. Ol bırden polisiiaǧa habarlasyp, 4 jastaǧy baldyrǧannyŋ ömırın qorǧap qaldy.
Astanada tūratyn Taŋşolpan Qalybaidyŋ mälımetı boiynşa, kämelettık jasqa tolmaǧan üş studentten narkotikalyq zattar tärkılengen. Sondai-aq, Gülnazira Baltabaeva men Baǧlan Baisūltanov atty azamattardyŋ arqasynda narkotikalyq zattary bar ekı adam ūstaldy.
Al PİK töraǧasy Asan İskahov sauda ortalyǧynda tūrǧan terminaldy köterıp äketıp bara jatqan ekı küdıktı azamatty baiqap, terminal iesıne qoŋyrau soǧu arqyly qondyrǧyny aman alyp qaldy.
Mıne, osy sekıldı mysaldardy köptep keltıruge bolady.
Jergılıktı polisiia qyzmetı qūrylǧannan bastap qoǧamdyq kömekşılerdıŋ qatary artqan. Olar uchaskelık polisiia inspektorlarymen tyǧyz jūmys jasap, barlyq qylmystar men qūqyq būzuşylyqtar mälımetın jetkızıp jür. Osylaişa, polisiianyŋ azamattyq qoǧamdaǧy senımdı ökılderı qaladaǧy tärtıptıŋ tūraqtaluyna üles qosuda.
Ärine, olardyŋ eŋbegı eleusız qalmaidy. «Qoǧamdyq tärtıptı küzetuge qatysatyn azamattar turaly» QR Zaŋyna jäne Ükımettıŋ erejesıne säikes, polisiia qyzmetkerlerıne kömek körsetkender alǧys retınde aqşalai syilyqpen marapattalyp tūrady.
Polisiia qyzmetkerlerı qanşa jerden käsıbi maman bolsa da, olar bärıne bırdei jete bermeidı. Sondyqtan ärbır adam ainalasyndaǧy, öz aulasyndaǧy qūqyq būzuşylyqpen küresıp, Jergılıktı polisiia qyzmetımen jūmyla jūmys ıstegenı artyq bolmaidy.
Qymbat TOQTAMŪRAT
