Astana qalasy äkımdıgınıŋ janyndaǧy ükımettık emes ūiymdarmen yntymaqtastyq jäne özara qarym-qatynas jönındegı konsultativtık keŋes otyrysy ötıp, atalǧan ūiymdardyŋ jastar saiasatyn jüzege asyruda memlekettık organdarmen bailanysy, «EKSPO-2017» halyqaralyq körmesın ūiymdastyruǧa qatysuy jäne oǧan daiyndyǧy pysyqtaldy. Mäjılıstı Astana qalasy Işkı saiasat basqarmasynyŋ basşysy Bolat Tılepov jürgızıp otyrdy.
Kün tärtıbıne qoiylǧan alǧaşqy sūraqqa Astana qalasy Jastar saiasaty mäselelerı basqarmasynyŋ bölım basşysy Aidana Qaldybekova jauap berdı. Onyŋ aituynşa, bügıngı taŋda elordadaǧy jastardyŋ jalpy sany – 253 myŋ 683 adam bolyp otyr. Būl Astana halqynyŋ 31 paiyzyn qūraidy. Osylardyŋ 55 myŋy, iaǧni 22 paiyzy qoǧamdyq ūiymdardyŋ jūmysyna tartylǧan. Byltyrdan berı jastar 100-den asa ıs-şaraǧa qatysqan. Solardyŋ ışınde Delfii oiyndary, «Student köktemı» festivalı, qūqyqbūzuşylyqtyŋ aldyn alu, jemqorlyqqa qarsy aksiialar, studenttık qūrylys jasaqtary men «Jasyl el» ştabynyŋ jūmystary bar. Būl şaralarǧa biyl jastar arasynda innovasiialyq ideialar men jobalar konkursy, etnomädeni bırlestıkterdıŋ jastar qanattary festivalı qosyldy.
Ötken jyly ÜEŪ jäne jastardyŋ qatysuymen üş äleumettık zertteu jürgızılgen. Memlekettık jastar saiasatyna jastardyŋ közqarasyn, olardy mazalaityn mäselelerdı anyqtau maqsatynda 7,5 myŋ jastan saualdama alyndy. Zertteuler älı de jalǧasuda. Sonyŋ auqymdysy – Astana käsıporyndaryndaǧy sūranysqa ie jäne sūranysy joq mamandyqtardy anyqtauǧa qatysty bolyp otyr.
Jalpy, atalmyş basqarma aǧymdaǧy jyly ÜEŪ-men bırge 6 jobany jüzege asyrǧan eken. Jyl soŋyna deiın taǧy 8 jobany aiaqtau josparlanuda.
Alaida, Jastar saiasaty mäselelerı basqarmasynyŋ jūmysynda jetıspeitın tūstar da bar eken. «Astana qalasyndaǧy Auǧanstan soǧysy mügedekterı men ardagerlerı odaǧy» qoǧamdyq bırlestıgı men basqarma arasynda bailanys joq bolyp şyqty. Ūiym töraǧasy Serık Kenjebekov basqarmamen bırıkken şaralardy ötkızuge niettı ekenın jetkızse, A.Qaldybekova odan qaşpaityndyqtaryn aitty. Mektep oquşylaryn aula klubtaryna tartu, eŋbekker jastarmen jūmys jaiy da qozǧaldy.
«Forum NKO Astany» zaŋdy tūlǧalar bırlestıgınıŋ prezidentı Baian Ahmetjanovanyŋ pıkırınşe, «EKSPO-2017» halyqaralyq körmesın ūiymdastyruǧa el, halyq bolyp jūmyluǧa tiıstımız. Eŋ bırınşıden, körmege keletın şeteldık qonaqtarǧa körsete alatyndai Qazaqstanda tūratyn halyqtardyŋ mädenietı men salt-dästürlerın bılu kerekpız. «Qazaqstan halqy assambleiasy men etnomädeni bırlestıkter ūlttar mädenietı men salt-dästürlerın nasihattaudy maŋdytpai otyr. Öz ışınde bırdeŋe ıstep jatqan şyǧar, bıraq jalpy jūrt ony körmei otyr» dedı ol būl jönınde. Sondai-aq, «EKSPO-2017» azamattyq qoǧam keŋesınıŋ jūmys tobyn qūrudy ūsyndy.
«Ūlaǧat» mädeniet jäne damu qory «EKSPO-2017» körmesıne arnalǧan äleumettık jobany jasap şyǧarypty. «Halyqaralyq deŋgeide qyzmet körsetuşınıŋ tıldık-kognitivtık qūzırettılıgı» atalatyn būl jobamen qor qūryltaişysy Qamajan Jūmaqasova tanystyrdy. Onyŋ negızıne «Üş tūǧyrly tıl» baǧdarlamasy alynǧan. Ol 2014 jyldyŋ ekınşı jartysy men 2016 jyldyŋ aralyǧynda ıske asyrylmaq. Alaida, aldymen tıl mamandarynyŋ saraptamasynan ötkızılmek.
Amanǧali ŞMİTŪLY
