Prezident Joldauy jaŋa ädılettı Qazaqstandy qūru jönındegı jalpyūlttyq referendumda qabyldanǧan el damuynyŋ jaŋa kezeŋıne Qazaqstan halqynyŋ qoldauy arqyly tolyq jauap beredı. Men Prezidenttıŋ äleumettık mäseleler jönınde aitqandaryna erekşe nazar audarǧym keledı.
Memleket basşysynyŋ aituynşa, adamdar – elımızdıŋ basty qūndylyǧy. Ūlttyq bailyqty ädıl bölu jäne ärbır azamatqa teŋ mümkındıkter beru reformanyŋ negızgı maqsaty ekenın Prezident airyqşa atap öttı.
Qoǧamnyŋ damuy ūlt densaulyǧy qamtamasyz etılgen jaǧdaida ǧana mümkın bolady. Densaulyq saqtau salasynda jinaqtalǧan mäselelerdı bır uaqytta şeşu mümkın emes. Būl rette bızdıŋ Prezident osy salany qarjylandyruǧa erekşe nazar audardy. Tolyq qarjylandyrylmaǧandyqtan, azamattar medisinalyq qyzmetterdıŋ kölemın ala almai jür. Sondyqtan Memleket basşysy Ükımetke Densaulyq saqtau salasyn jäne jalpy äleumettık salany qarjylandyru täsılderın qaita qaraudy tapsyrdy. Būl öte maŋyzdy. Ükımet qabyldaǧan şaralar sözben emes, ıs jüzınde halyq densaulyǧyn jaqsartuǧa mümkındık beredı.
Prezident sondai-aq ūlttyŋ äleuetın arttyruda şeşuşı röl atqaratyn bılım beru salasynyŋ jai-küiıne nazar audardy. Mektepke deiıngı jastaǧy balalardy balabaqşamen qamtamasyz etu mäselesın tübegeilı şeşudı, tärbieşılerdıŋ jalaqysyn köterudı tapsyrdy. Orta bılım beru sapasyn arttyru üşın 2025 jylǧa deiın apatty jäne üş auysymdy mektepter mäselesın şeşu qajet. Özderıŋız bıletındei, elordada mektepter jedel qarqynmen salynyp jatqanyna qaramastan, mūndai problemalar bızdıŋ qalada bar. Sebebı astanada bala köp. Eger osydan bırneşe jyl būryn bırınşı synypqa 20 myŋǧa deiın bala barsa, biyl 26 myŋ büldırşın alǧaş ret mektep tabaldyryǧyn attady.
Halyqtyŋ äl-auqatyn arttyrudyŋ bazalyq faktory jalaqynyŋ ösuıne tıkelei bailanysty. Osyǧan orai, el Prezidentı eŋ tömengı jalaqyny 60 myŋ teŋgeden 70 myŋ teŋgege deiın köterudı ūiǧardy. Būl jiyntyq zeinetaqyny 2025 jylǧa deiın 27 paiyzǧa köteruge mümkındık beredı.
Maŋyzdy äleumettık mäselenıŋ bırı – soŋǧy jyldary qoǧamda köp talqylanǧan äielderdıŋ zeinetke şyǧu jasy. 2028 jylǧa deiın ol 61 jas deŋgeiınde tırkeldı. Sonymen bırge 2023 jyldyŋ 1 qaŋtarynan bastap bala kütımı boiynşa tölemder bır jarym jasqa deiın ūzartyldy. Būl şyn mänınde jas otbasylarǧa kömek dep esepteimın jäne Ūlttyq qordaǧy jyl saiynǧy investisiialyq tabystyŋ 50 paiyzyn 18 jasqa deiıngı balalardyŋ şotyna audaru turaly şeşım de der kezınde qolǧa alynǧan şara boldy. Prezident bastamasynyŋ arqasynda ūlttyq bailyqty bolaşaǧymyz – balalar üşın paidalanu mäselesı şeşılude. Osyǧan bailanysty men Prezidenttıŋ Joldauyn jäne jaqyn arada jüzege asyrudy ūsynatyn barlyq reformalardy qoldaimyn.
Marat MUSTAFİN,
Nūr-Sūltan qalasy Qoǧamdyq keŋesınıŋ müşesı, Almaty audany Ardagerler keŋesınıŋ töraǧasy
