Nūr-Sūltanda mereke künı kezekte tūrǧan 400-ge juyq otbasy päter kıltıne ie boldy. Onyŋ ışınde «Otbasy bankı» arqyly «Nūrly jer» memlekettık baǧdarlamasy boiynşa kezekte tūrǧandar bar. Jeltoqsan aiynda 2 myŋnan astam kezekte tūrǧan otbasy äleumettık päterge qol jetkızdı. Memleket basşysynyŋ tapsyrmasy boiynşa biyl qoljetımdı tūrǧyn üi sany 10 myŋ päterge deiın ūlǧaityldy.
Jaŋa qonystanuşylarǧa kıltterdı elorda äkımınıŋ orynbasary Nūrlan Nūrkenov tabystady. Üiler Esıl audanynda ornalasqan (E34 jäne E44 köşelerınde).
«Täuelsızdık künı qalanyŋ jaŋa audanynda jaŋa päterlerdıŋ kıltın tapsyru – men üşın ülken qūrmet. Bügın osy üidıŋ maŋynda bız eŋ zamanaui jabdyqtarmen jabdyqtalǧan, 4 myŋ oquşyǧa arnalǧan BINOM mektebın aştyq. Ärine, būl audanda älı köp jūmys bar. İnjenerlık infraqūrylym boiynşa jūmystardy jalǧastyramyz, joldar men ötpe joldardy, qoǧamdyq kölık jūmysyn ūiymdastyramyz. Bıraq eŋ aldymen bız jūrt ömır sürıp, balalaryn oqyta aluy üşın tūrǧyn üi men mekteptı aştyq. Bolaşaqta būl audan elordadaǧy eŋ jaily oryndardyŋ bırıne ainalatynyna senımdımın. Barşaŋyzǧa amandyq, densaulyq, baqyt, tabys tıleimın! Qonystoi qūtty bolsyn!» dedı Nūrlan Nūrkenov kıltterdı tapsyru kezınde.
Qonys ielerın «Otbasy bank» AQ ortalyq filialy direktorynyŋ orynbasary Janar Izımbetova da qūttyqtady. «Sızderdı Qazaqstan Respublikasynyŋ Täuelsızdık künımen, sondai-aq qonystoilaryŋyzben qūttyqtaimyn! Jaŋa üilerıŋızde bereke men molşylyq bolsyn!» dedı ol.
Bibıgül Tūrabaeva baspanaly bolǧan baqytty jandardyŋ qatarynda. Ol elordada 2007 jyldan berı tūrǧyn üi kezegınde tūrǧan. «Men elorda tūrǧynymyn, №1 balalar auruhanasynda medbike bolyp jūmys ısteimın. 2007 jyldan bastap tūrǧyn üi kezegınde tūrmyn. Bügın mereke künı baspanaly boldym. Osyndai maŋyzdy oqiǧa merekemen qatar kelgenıne quanyştymyn. Qazaqstannyŋ barlyq azamatyn Täuelsızdıktıŋ 30 jyldyǧymen qūttyqtaimyn! Barşaŋyzǧa beibıtşılık, jaqsylyq tıleimın!» dep quanyşymen bölıstı Bibıgül Tūrabaeva.
Memleket basşysynyŋ tapsyrmasy boiynşa elordada qoljetımdı tūrǧyn üi kölemın ūlǧaitu boiynşa jüielı jūmys jürgızılude. Biyl Nūr-Sūltanda 10 myŋ äleumettık päter salyndy. Tek soŋǧy üş jylda qoljetımdı tūrǧyn üi sany 5,5 esege artty. Mysaly, 2018 jyly 1800 äleumettık päter berılgen bolsa, 2019 jyly – 2900 äleumettık päter, 2020 jyly 7000-nan astam päter salynyp, paidalanuǧa berıldı. Biylǧy meje – 10000 äleumettık päter.
Sonymen qatar Elbasynyŋ bastamasymen qolǧa alynǧan «Jūmys ısteitın jastarǧa jalǧa berıletın tūrǧyn üi» baǧdarlamasy biyl da jalǧasyn tabady. Sol siiaqty jastarǧa arnalǧan «Elorda Jastary» arnaiy tūrǧyn üi baǧdarlamasy ıske qosyldy.
