İndoneziianyŋ Jakarta jäne Palembang qalalarynda 19 tamyz künı kezektı XVIII Aziia oiyndary söreden şyqty. Turnirdıŋ bırınşı künı mūnda 21 medaldar jiyntyǧy sarapqa salyndy. Äzırge Qytai sportşylary top bastap keledı. Osy aralyqta Qazaqstan komandasy qorjynǧa 1 altyn, 2 kümıs jäne 3 qola medal tüsırdı.
Mūnda Qazaq elınıŋ namysyn 440 sportşy qorǧaǧaly tūr. Olar 25 olimpiialyq sport türı boiynşa ötetın 37 jarysta küş synasady.
Oiyndar 2 qyrküiek künı märege jetedı.
19 tamyz, bırınşı kün
Dmitrii Aleksanin – altyn jüldeger. Oiyndardyŋ betaşar künı Qazaqstan qūramasynyŋ qorjynyna semserlesuşı Dmitrii Aleksanin alǧaşqy altyn medaldı saldy. Ol jartylai finalda 2012 jylǧy London Olimpiadasynyŋ qola jüldegerı koreialyq Djung Djin Sundy 15:12 ūpaiymen jeŋdı. Al finalda Dmitrii taǧy bır korei atletı – 2016 jylǧy Rio Olimpiadasynyŋ chempiony Pak San Endı 15:12 etıp tıze büktırdı.
Jalpy, būl – Dimanyŋ Aziadadaǧy ekınşı jüldesı. Ol 2014 jyly Seulde ötken Oiyndarda komandalyq jarysta qola jüldeger atanǧan. Bızdıŋ altyn jüldeger jarys soŋynda özınıŋ būl tabysyn jaqynda kısı qolynan qaza tapqan mänerlep syrǧanauşy Denis Tenge arnaitynyn aitty.
Daniiar Qaisenov – kümıs jüldeger. Erkın küresten 74 kiloǧa deiıngıler arasynda el namysyn qorǧaǧan sportşymyz finalda özbek Bekzod Abdurahmonovqa 2:3 esebımen ese jıberıp aldy. Ol finalǧa deiın ekı qarsylasynan basym tüstı.
Saiatbek Oqasov – qola jüldeger. Turnirde 65 kiloǧa deiıngı salmaqta boz kılemge şyqqan Saiatbek Oqasov üşınşı oryn üşın talasta abyroi biıgınen körındı. Ol türıkmen Batyr Bordjakovtan ailasyn asyra bıldı – 5:2.
Ädılet Däulımbaev – qola jüldeger. Komandaǧa ekınşı qola jüldenı de erkın küres şeberı äkeldı. 86 kg salmaqta küş synasqan paluanymyz qyrǧyzstandyq Aligadji Gamidgadjievtı 3:0 esebımen ūtty.
Tennis. Qazaqstannyŋ ekı aralas jūby bırınşı küngı şaiqastarda jeŋıske jettı. Atap aitqanda, Anna Danilina – Aleksandr Nedovesov vetnamdyq Ksilla Fodor – Minh Tuan Famdy 6:4, 6:4 etıp tıze büktırse, Gozal Ainitdinova – Timur Habibulin Vetnamnyŋ kelesı ökılderı Fuong van Nguen – Savanna Nguendı 6:2, 6:2 esebımen ūtyp şyqty.
Kögaldaǧy hokkei. Elımızdıŋ äielder qūramasy bırınşı matchynda Tailand komandasynan 3:1 esebımen basym tüstı. Bızdıŋ qyzdar arasynda Vera Domaşneva, Natalia Gataulina jäne Natalia Sazontova mergendıkterımen tanyldy.
Vaterpol. Taǧy bır äielder qūramasy Gonkongtan kelgen ärıptesterın 22:2 esebımen küirete jeŋdı. Mūnyŋ aldynda olar tai qyzdaryn 13:4 ūpaiymen ūtyp, qytailyqtardan 4:11 bolyp jeŋılıp qalǧan edı.
Voleibol. Taspa doptan elımızdıŋ äielder qūramasy özınıŋ bırınşı kezdesuınde Taipei qyzdaryn 3:1 etıp ūtty.
Gandbol. Qazaqstannyŋ qol dobyşy qyzdary KHDR jasaǧyna 33:37 esebımen jol berıp aldy. Mūnyŋ aldynda olar ündıstandyq qūrbylaryn 36:19, qytailyqtardy 27:26 esebımen jeŋgen bolatyn.
Basketbol. Elımızdıŋ basketbolşy qyzdary bırınşı künı İndoneziia qūramasynan 85:73 esebımen basym tüstı. Mūnyŋ aldynda bızdıŋ qūrama Taipeiden 42:72 bolyp ūtylyp, Ündıstandy 79:61 etıp jeŋgen edı.
20 tamyz, ekınşı kün
Fariza Aldonǧarova – qola jüldeger. Qazaqstandyq taekvondoşy 53 kg salmaqta el qorjynyna üşınşı qola medaldı saldy. Alǧaşqy ainalymda özbekstandyq Dinorahan Mamadibragimovany, şirek finalda irandyq Elah Şeidaidy jeŋgen Aldonǧarova jartylai finalda taipeilık Si Po Iаnǧa ese jıberdı.
Jūldyz Eşımova – kümıs jüldeger. Ol 53 kg salmaqta küresıp, finalda Soltüstık Koreianyŋ baluany Pak Iong Miden jeŋıldı. Oǧan deiın Li Chen Henı (Oŋtüstık Koreia), Djantima Virangsany (Tailand) jäne Erdenechimegei Sumiany (Moŋǧoliia) jeŋdı.
Daiyndaǧan
Damir QOJAMQŪL
