Qostanai oblysyndaǧy bas qalanyŋ mädeni künderı aiasynda Astana qalasy äkımınıŋ orynbasary Ermek Amanşaev pen oblys basşysy Arhimed Mūhambetov jüzdesıp, ekı öŋırdıŋ aldaǧy uaqyttaǧy ärıptestık bailanysyn söz ettı.
Kezdesude Ermek Amanşaev ekı aimaqtyŋ qarym-qatynasyn äŋgımelep: «Bız Astananyŋ 20 jyldyǧy merekesı aiasynda osymen elımızdıŋ altynşy oblysyna at basyn tırep otyrmyz. Qazırgı künde elordamyz sony bastamalar men älemdık şaralar ötetın aişyqty ordaǧa ainaldy. Astana men Qostanai oblysynyŋ jan-jaqty bailanysy būdan ärı örlei beredı» dep sözın tüiındese, oblys basşysy bügınde ekı ölke arasynda jüzege asyp jatqan ortaq jobalarǧa toqtalyp, bas qaladan üirenetın ürdısterdıŋ köp ekendıgın jetkızdı.
Odan keiın öŋıraralyq ärıptestıktı damytudy közdegen ekıjaqty memorandumǧa qol qoiu räsımı boldy. Būl räsımge käsıpkerlık, auylşaruaşylyq basqarmalary men «Astana» äleumettık-käsıpkerlık korporasiiasy» ŪK» AQ jäne «Tobyl» äleumettık-käsıpkerlık korporasiiasy» ŪK» AQ, «Astana Innovations» kompaniiasy men Qostanai qalalyq äkımdıgı qatysty.
Biyl Tobyl ölkesı kındık qalanyŋ mereitoiyna 100-den astam türlı mädeni şaralar tızımın bekıtken.
Elorda künderı şeŋberınde qost anailyqtar bas şahardan barǧan önerpazdardyŋ «Astanadan, aq tılek!» atty konsertın tamaşalady.
Azamat ESENJOL
