Nūr-Sūltan qalasynyŋ äkımı Altai Kölgınov qūtqaruşylardy käsıbi merekelerımen qūttyqtap, olarǧa janqiiarlyq eŋbegı men batyldyǧy üşın alǧys aitty.
«Qūtqaruşylarymyzdy käsıbi merekelerımen qūttyqtaimyn! Olar jüzdegen adamdy qauıpten qūtqaryp qaldy. Olarǧa janqiiarlyq eŋbegı, erlıgı jäne öz ısıne degen adaldyǧy üşın alǧysymdy bıldıremın!
Batyrlarymyzdyŋ qūrmetıne biyl qūtqaruşylar saiabaǧy aşyldy. Qūtqaruşylar saiabaǧy aumaǧynda (A.Iаnuşkevich jäne A.Puşkin köşelerınıŋ qiylysy) azamattyq qorǧau qyzmetınıŋ üzdıkterıne arnap qūrmet taqtasy ornatyldy. Onyŋ aumaǧy balalar men eresekterge arnap bölındı. Kedergı jolaqtaryn qosa alǧanda, ekstrim-sportyn qoldauǧa arnalǧan parkur-alaŋ ornatyldy. Būl qoǧamdyq keŋıstık qala tūrǧyndaryn, qūtqaruşlardyŋ janqiiarlyǧyna taŋyrqai qaraityn öskeleŋ ūrpaqty baurap aldy.
Ötken jyly Baiqoŋyr audanynda ört söndıru deposy aşylyp, 10 arnaiy maşina berıldı. Sondai-aq taǧy üş ört söndıru deposyn salamyz, olardyŋ ekeuı eldı mekenderde aşylady, qosymşa 50 arnaiy maşina ötkızu josparda bar. Būdan bölek, tūrǧyn üi baǧdarlamasyna qatysuşylar sanatyn keŋeittık (Qazaqstandyq tūrǧyn üi kompaniiasy), jastarǧa arnalǧan arnaiy tūrǧyn üi baǧdarlamasyn ıske qostyq, onda TJD jäne polisiia departamentı qyzmetkerlerınıŋ sanaty jeke qarastyryldy.
Bız qūtqaruşylarymyzdyŋ qajyrly eŋbegın maqtan tūtamyz! Käsıbi merekelerıŋızben taǧy da qūttyqtaimyn! Denderıŋızge saulyq, otbasylaryŋyzǧa amandyq tıleimın!» dep atap öttı äkım özınıŋ qūttyqtauynda.
Mereke qarsaŋynda qūtqaruşylar saiabaǧy alaŋynda azamattyq qorǧau qyzmetınıŋ sapyn tolyqtyrǧan jas qūtqaruşylar ant qabyldady.
–20 jas qyzmetker ant qabyldady.Bügınde Nūr-Sūltan qalasynda 18 ört söndıru bölımı men 1 jedel qūtqaru jasaǧy bar. Olarda 1726 qyzmetker eŋbek etedı. Jyl basynan berı bızdıŋ qyzmetkerler 4185 ret şaqyrtuǧa şyqtyq. Şaqyrtular kezınde 385 adam qūtqarylyp, 400-den astam adam qauıpsız jerge şyǧaryldy, – deidı Nūr-Sūltan qalalyq TJD ört söndıru qyzmetınıŋ bastyǧy Nazarälı Selimov.
Saltanatty şarada elıne adal qyzmet etuge ant bergen jas qūtqaruşy Älışer Jänıbek te özgelerdıŋ tynyştyǧy men qauıpsızdıgın qamtamasyz etu üşın aianbai qyzmet etuge daiyn ekendıgın jetkızdı.
– Būl qyzmet menıŋ bala küngı armanym, Aldaǧyuaqytta Qazaqstan Respublikasy azmattarynyŋ tynyştyǧy men qauıpsızdıgın qamtamasyz etuge daiynmyn. Ärı el üşın eşteŋeden taiynbaityn jastardy azamattyq qorǧau salasynda qyzmet etuge şaqyramyn, – dedı Älışer Jänıbek.
https://youtu.be/I4ib8lsDlww
