Bas qalada «Jūmys ısteitın jastar üşın satyp alu qūqyǧynsyz jalǧa berıletın tūrǧyn üi» baǧdarlamasyna qūjattar qabyldau 4 qaraşada, iaǧni bügın saǧat 9:00-de bastaldy. Baǧdarlamaǧa qatysu üşın 11 qaraşa saǧat 23:59-ǧa deiın qatysu.zhilfond.kz portalynda onlain türde ötınış beruıŋız kerek.
Jalǧa berıletın tūrǧyn üi satyp alu jäne ūzartu qūqyǧynsyz 5 jyl merzımge berıledı. Ai saiynǧy jaldau aqysy – 5000-15000 teŋge. Ötınış berılgennen keiın, onyŋ qaraluyna qarai, ötınış beruşınıŋ körsetılgen telefon nömırıne SMS-habarlama jıberıledı.
Baǧdarlamaǧa qatysu şarttary: 29 jasqa tolmaǧan, orta, joǧary oqu ornynan keiıngı bılımı bar jäne resmi jūmysqa ornalasqan Qazaqstan Respublikasynyŋ azamaty boluy tiıs. Nūr-Sūltan qalasynda soŋǧy 2 jyldan kem emes uaqyt tūraqty tırkelıp, ötınış beruşınıŋ jäne otbasynyŋ barlyq müşelerınıŋ Qazaqstan boiynşa menşık qūqyǧynda, sondai-aq 2 jyl ışınde satyp alu qūqyǧymen jalǧa berıletın tūrǧyn üidıŋ bolmauy qajet. Odan bölek, tölem qabılettılıgın rastau talap etıledı (ai saiynǧy tabysy kem degende 116680 teŋge/soŋǧy 6 aida 40 AEK boluy kerek).
