Keşe Saratov oblysynyŋ Astanadaǧy künderı aiasynda elordada saratovtyq «Rubej» kompaniialar toby filialynyŋ aşylu saltanaty öttı.
Räsımde aldymen söz alǧan Saratov oblysynyŋ gubernatory Valerii Radaev Resei men Qazaqstan biznesı araqatynasyndaǧy damudyŋ jaŋa kezeŋı bastau alǧanyn atap öttı. «Bügın ekı el aşyp jatqan biznestıŋ baǧyty özgeşe – adamdar ömırınıŋ qauıpsızdıgı men mülıktıŋ saqtaluyna kepıldık beredı. Qazaqstan men bızdıŋ öŋır barlyq deŋgeide tyǧyz qarym-qatynasta. Saratov oblysynda 80 myŋnan astam qazaq tūrady. Şekaralas jatqan Qazaqstan aimaqtary men elderıŋızdıŋ ortalyǧyndaǧy öŋırlerden Saratovtyŋ joǧary oqu oryndaryna bılım aluǧa keletın studentterdı esepke alsaq, būl sanǧa taǧy bırneşe myŋdy qosuǧa bolady. Är jyl saiyn saudadaǧy bailanystarymyz nyǧaiyp keledı. Äsırese, qazırgı zamanǧa sai innovasiialyq önerkäsıp, aqparattyq jäne nanotehnologiialar salalarynda. Būl fakt quantpai qoimaidy» degen ol «Rubej» kompaniiasyn da tanystyrudy ūmytpady.
Atalmyş firma öz önımderın äzırleu men ıske qosuda eşkımnıŋ kömegıne jügınbeidı eken. Iаǧni, barlyq jūmystardy özderı atqarady. Kompaniia jiyrma bes jyldan astam uaqyt kez kelgen nysandy baqylauǧa alyp, adamdar ömırınıŋ qauıpsızdıgın qamtamasyz etıp keledı. Onyŋ jartylai nemese tolyqtai avtomattandyrylǧan jüiesı tūtanǧan örttıŋ ärı qarai örşuıne jol bermeitın körınedı. Saratovtaǧy Balahov atom elektr stansasynyŋ jūmysyn qadaǧalaityn kompaniianyŋ Astanada injenerlık ortalyǧy aşylyp otyr.
Öz kezegınde Astana qalasy äkımınıŋ orynbasary Vasilii Krylov aşylǧan ortalyq elordalyqtar ömırın odan ärı qauıpsız qylatynyna senımın bıldırdı. Būl baǧytta astanalyq bilıktıŋ de qol qusyryp otyrmaǧanyn, örttı bastapqy kezeŋde anyqtaityn symsyz jüienı ıske asyru jürgızılıp jatqanyn, būl jüiege bügıngı künde 140-tan astam bılım beru, densaulyq saqtau jäne mädeni nysandary qosylǧanyn jetkızdı. Qala tırşılıgın qamtamasyz etetın keşendı jüie boiynşa atqarylǧan jūmysty tılıne tiek etıp, būl tolyǧymen ıske qosylǧanda, zamanǧa sai jüie astanalyqtar ömırıne qauıp tuyndaǧan jaǧdailarda jedel sony anyqtaitynyn aitty.
«Rubej» kompaniialar tobynyŋ vise-prezidentı Ruslan Saparǧaliev Qazaqstan, Resei, Belorus elderı arasyndaǧy Euraziialyq Ekonomikalyq odaqtyŋ qūryluy Astanada ortalyqtyŋ aşyluyna serpın bergenın atap öttı. Kompaniianyŋ jūmysy jaily: «Basty missiiamyz – adamdardyŋ ömırın saqtau. Bız halyqtyŋ qauıpsızdıgı üşın – örtke qarsy jabdyqtardy, beinebaqylau, habarlau jüielerın şyǧarumen ainalysamyz. Konstruktorlyq-äzırleu ortalyǧymyz, jobalau institutymyz, Reseidıŋ 50-den astam qalalarynda sauda üilerımız bar. Öz önımderımızdı jaqyn jäne alys 15 şetel elderıne jetkızemız. Qazaqstan bügınderı basty jäne strategiialyq ärıptesımızge ainalyp otyr» dedı.
«Rubej» filialy «Örken» biznes ortalyǧynda ornalasqan. Sol nysannyŋ aldynda kompaniia tuyn köteru räsımınen keiın R. Saparǧaliev keŋselerın aralatyp, qūral-jabdyqtarmen tanystyrdy.
Amanǧali ŞMİTŪLY
