«Myŋjyldyqtar toǧysyndaǧy Astana» köşpelıler örkenietı festivalı soŋǧy alty jylda eŋ tartymdy ärı qyzyqty joba ekenın däleldedı. 4-7 şılde aralyǧynda saǧat 11:00-de «Han şatyr» sauda jäne oiyn-sauyq ortalyǧy alaŋynda ötetın dästürlı şara bır zamandarda Arqa tösın dürıldetken järmeŋkege nemese dumandy qazaq auylyna ūqsaidy.
Biyl mūnda körmege arnalǧan şatyrly keşen boi kötermek. Būl –qos tärızdı şatyrlarmen qorşalǧan ärı arqanmen tartylǧan qūrylys türı. Taǧy bır jaŋalyǧy – at qūlaǧynda oinaityn bozbalalar öner körsetuı üşın 1600 şarşy metr aumaqqa qūm tögıledı. Sonymen bırge «Jel jady» installiasiiasy men ädet-ǧūryp golografiialyq teatryna arnalǧan şar tärızdı keşen tūrǧyzylady.
Köşpelıler örkenietı festivalı aiasynda mynadai şaralar ūiymdastyrylady:
– ädet-ǧūryp golografiialyq teatry –akterler men şeberler virtualdy sahna keŋıstıgınde ädet-ǧūryptardy körsetedı. Är räsımnıŋ körermendı bırese özen jaǧasyna, bırese kiız üige ornalastyratyn özındık golografiialyq sahnasy jasaldy;
– dästürlı muzyka konsertı – dästürlı türkı muzykalyq mūrasynyŋ janrlyq är aluandyǧy körınıs tabady;
– aqyndar aitysy – aqyndar qyz ben jıgıt aitysy, jūmbaq, qaiym jäne türe aitystary boiynşa synǧa tüsedı;
– «At jalynda» at-sporty şouy;
– jamby atu – qatysuşylar özderınıŋ mergendıkterın synǧa salady;
– ūlttyq qoldanbaly öner järmeŋkesı – şatyrly järmeŋke keşenınde zergerlık būiymdar, ūlttyq ydys-aiaq, toqyma, aǧaş būiymdary satylady. Şara barysynda qoldanbaly önerden şeberlık saǧattary ötedı;
– köşpelı sirk;
– «Kiız basu» etnoşouy;
– «Altyn saqa» sport saiysy;
– «Folklorǧa toly ömır» etnoşouy – şaraǧa öz ūltynyŋ folklorlyq mūrasyn saqtaǧan türkı halyqtarynyŋ ökılderı qatysady;
– ūlttyq qazaq aspaptarynyŋ şeruı;
«Kiım tarihy» şouy – mūnda köşpelı ūlttardyŋ XIX ǧasyrǧa deiıngı kiımderı körsetıledı;
– balalarǧa arnalǧan «Menıŋ kışkentai kiız üiım» şeberlık saǧaty – dästürlı şarada jas buynǧa kiız üi qūrylysy men ony tıgudıŋ qyr-syry tolyq baiandalady;
– muzykalyq aspaptar körmesı – keluşıler ǧasyrlar boiy saqtalǧan jädıgerlerdı körıp ärı ūstap qana qoimai, onyŋ şyǧu tarihymen tanysyp, ünın tyŋdai alady;
– qyran qūs pen tazy körmesı – mūnda qonaqtary saiatşylyq syrlarymen tanysyp, aŋǧa şyǧu saltyn saqtaǧan ızbasarlarmen tıldese alady;
– ūlttyq taǧam: qonaqtar qazaqtyŋ ūlttyq taǧamdarymen tanysyp ärı onyŋ dämın tata alady.
