Seisenbı künı Astanaǧa resmi ıs-saparmen Reseidıŋ Saratov oblysy gubernatory Valerii Radaev kelıp, qala äkımdıgınde ekı jaqty delegasiianyŋ qatysuymen kezdesu öttı.
Üstel basynda söz alǧan Astana äkımınıŋ orynbasary Vasilii Krylov qala äkımınıŋ atynan qonaqtardyŋ qadamdaryna qūtty bolsyn aityp, Saratov oblysy men Astana arasyndaǧy qarym-qatynastyŋ tereŋ tarihyna toqtaldy. 1998 jyly qol qoiylǧan kelısımnıŋ aiasynda qyruar jūmystar atqarylyp, ejelden auyly aralas, qoiy qoralas jatatyn orys halqy men qazaq elınıŋ arasyndaǧy qazırgı ekonomikanyŋ meilınşe damyǧanyn söz ettı.
«Būl künı önerkäsıp, bılım, innovasiia, jol-kölık qatynasy salasynda jetken jetıstıgımızben maqtana alamyz. Bolaşaqta älı de alar asuymyz köp. Mysaly, osy jyly 9 mektep pen 15 balabaqşanyŋ paidalanuǧa berıletının eskersek, köp ūzamai äleumettık mäselelerımızdı de tolyqtai şeşemız degen oidamyz» dedı Astana qalasy äkımınıŋ orynbasary V.Krylov.
Sodan keiın Saratov oblysy gubernatory V.Radaev özderınıŋ Astanaǧa kelgendegı maqsattaryn aityp, ekı aimaq arasyndaǧy dostyq qarym-qatynastyŋ odan ärı jalǧasa beretınıne senım bıldırdı. Ol qonaqjailylyǧymen erekşelenetın qazaq halqyna ystyq yqylasyn bıldırıp, Elbasynyŋ osynşa järdemın körıp jatqan astanalyqtardyŋ jarqyn bolaşaǧyna senetının jetkızdı. Ol öz sözınde «Astananyŋ ekonomikalyq, äleumettık jaǧdaiymen jıtı tanystyryp, bızben bırge ülken ıster atqaruǧa senım bıldırgenderıŋız üşın alǧysym şeksız. Degenmen, şeşımın kütken mäseleler barlyq memleketterge tän. Sol siiaqty, balabaqşa kezegı, mektep oquşylarynyŋ ekı auysymda bılım aluy syndy problemalar bızde de bar. Osyndai kezdesuler barysynda keŋese otyryp, aldaǧy jyldary kürdelı mäselelerdı bır-bırımızben täjıribe almasu arqyly tübegeilı şeşe alamyz degım keledı. Sondai-aq, Astana men Saratov oblysynyŋ biznes ökılderı tıze qosyp, ekı eldıŋ damuyna özderınşe üles qosatyn bolady» dep, aǧynan jaryldy.
Kezdesu barysynda körşı eldıŋ önerkäsıptı oblysy men elorda arasyndaǧy bırlesken şaralardyŋ jospary qūrylyp, bolaşaqtary talqylandy. Saratov oblysy ükımetı men Astana qalasy äkımdıgı arasynda 1998 jylǧy 23 jeltoqsandaǧy sauda-ekonomikalyq, ǧylymi-tehnikalyq jäne mädeni yntymaqtastyq turaly kelısımge qol qoiylǧan edı. Bırlesken jospar sauda-ekonomikalyq jäne investisiialyq serıktestık, önerkäsıp öndırısı salasynda täjıribe almasu, säulet, qūrylys jäne tūrǧyn üi-kommunaldy şaruaşylyǧy, jol-kölık infraqūrylymy syndy negızgı baǧytty qamtidy. Sol bailanystyŋ älı de bolsa üzılmei kele jatqany ekı el arasyndaǧy tatu-tättı dostyq pen yntymaqtastyqtyŋ yqpaly bolsa kerek. 2016 jyly da qos taraptyŋ bastamasymen agroönerkäsıp keşenı men qorşaǧan ortany qorǧau salalarynda bırlesken şaralar ötkızu josparlanuda.
Qos taraptyŋ kezdesuı nätijesınde RF-nyŋ QR-daǧy sauda ökıldıgı men Saratov oblysy ükımetı arasynda yntymaqtastyq turaly kelısımge jäne Saratov oblysynyŋ Ükımetı men QR Ūlttyq käsıpkerler palatasy arasynda yntymaqtastyq turaly memorandumǧa qol qoiyldy. Ekı aimaq üşın mūndai kezdesuler jaŋa mümkındıkterge jol aşyp, biznes qauymdastyqtardyŋ bırlese jūmys ısteuıne kedergı keltırmei, ekonomikalyq örleuge jetkızedı. Sonymen qatar, Astana men Saratov oblysy arasynda mädeniet, bılım-ǧylym, turizm jäne sport, tehnika jäne medisina salalarynda da myzǧymas yntymaqtastyq ornatu közdelıp otyr.
Nūrislam QŪSPANǦALİ
