QR Ūlttyq mūraǧatynyŋ direktory, ǧalym Marat Äbsemetov mynadai derek keltıredı: «1924 jyly ülken jiyn bolady. Onda astanany auystyru mäselesı talqylanǧanda Tūrar Rysqūlov – Şymkenttı, Sūltanbek Qojanov – Taşkenttı, Oraz İsaev – Qyzylordany, Seiıtqali Meŋdeşov – Aqtöbenı, al Säken Seifullin Aqmolany ūsynady». Endeşe, Säken armany oryndaldy dep tolyq senımmen aituǧa bolady. Qazaqtyŋ bas qalasy Astana da qairatker ūlynyŋ 120 jyldyǧyn öz därejesınde atap öttı. Odan, ärine, Säken Seifullin mūrajaiy da qalys qalmai, naqty mereitoiy künı «Säken oqulary» baiqauy men «Syr sandyqty aşyp qara» atty ädebi-sazdy keştı ūiymdastyrdy.
Säken – segız qyrly, bır syrly azamat bolǧany, poeziia, proza, dramaturgiia syndy ädebi janrlarda da, odan qaldy muzykada da artyna mol mūra qaldyrǧany belgılı. Jyl saiyn ötıp tūratyn «Säken oqularynyŋ» maqsaty da onyŋ şyǧarmalaryn jasöspırımder arasynda nasihattau, sol arqyly kemel azamattardy tärbieleu. Osy aptada ötken kezektı baiqauda da elordadaǧy 70-ten astam mektepten 7-11 synyptardyŋ jüzge tarta oquşysy qatysty.
Säkennıŋ aqyndyq qyryn aşatyn «Syr sandyqty aşyp qara» nominasiiasynda Älkei Marǧūlan atyndaǧy №40 orta mekteptıŋ 9-synyp oquşysy Kamila Emanǧalieva poeziialyq şyǧarmany mänerlep jatqa oqudyŋ ülgısın körsetıp, jeŋımpaz atandy.
«Qazaqty qazaq deiık» prozalyq şyǧarmalarynan üzındı oqu nominasiiasynda №37 mekteptıŋ oquşysy Äigerım Orynbasarova oza şapsa, «Arqanyŋ kerbez sūlu Kökşetauy» nominasiiasy – Säkennıŋ änderın oryndauda №62 mekteptıŋ 8-synyp oquşysy Elnūr Qadyrbergen daralandy.
«Säkennıŋ amanaty» nominasiiasyna qatysqandardyŋ arasynda sahnalyq körınıs körsetken №38 mekteptıŋ oquşysy Quanyş Jaşkeev akterlık qabıletın baiqatty.
Qazylar alqasynyŋ qūramy – aqyn, «Daryn» memlekettık Jastar syilyǧynyŋ laureaty Däuletkerei Käpūly, Säkennıŋ naǧaşy qaryndasy Asylgül Äbışeva, jazuşy Talǧat Keŋesbai jäne Säken Seifullin mūrajaiynyŋ ǧylymi qyzmetkerı Äigerım Maqajanova osylai dep şeştı.
İgı şara «Astana» ūlttyq suret galereiasynda ötken ädebi-sazdy keşke ūlasty. Ony Almatydan Säken toiyna arnaiy at arytyp jetken säkentanuşy ǧalym, orda būzar jasynda Säkennıŋ azamattyǧyn tanyp, toqsanǧa kelıp otyrǧan osy kezde oǧan degen adaldyǧynan ainymaǧan Tūrsynbek Käkışev jäne aqyn, QR Memlekettık syilyǧynyŋ laureaty, Säken Seifullin mūrajaiynyŋ direktory Nesıpbek Aitūly aşyp berdı. Olar Säken jaily tolǧanysqa toly sözderın jetkızıp, osy toidy ötkızuge mümkındık tudyrǧan Astana qalasy äkımdıgıne alǧystaryn aitty.
Sonymen bırge keşte «Säken Seifullin mūrajaiy» albomy men «Sūŋqar Säken» kıtaby, Amantai Käkennıŋ «Säken taǧylymy» eŋbegı, Tūrsynbek Käkışev qūrastyrǧan Säken Seifullin şyǧarmalarynyŋ 13 tomdyǧy oqyrmandarǧa jol tartty.
Azamat atyn ūlyqtaǧan şarany elımızge tanymal dästürlı änşıler Erlan Rysqali, Klara Tölenbaeva, Qanapiia Jükenov, Qanat Jünısov, Qaraǧandydan kelgen Erjan Bazarbekov, Däurenbek Ärkenov, Merueş Başai änmen ärledı. Taǧy bır qaraǧandylyq qonaq, Nūra audany Ahmet auylyndaǧy Säken Seifullin atyndaǧy orta mektep direktory Atymtai Balabiev Säkennıŋ kezındegı mektep maketın mūrajai direktoryna tabystady. Säken ruhyna taǧzym ete kelgen qadırlı qonaqtarǧa qonaqasy berılıp, onda da mereitoi iesı jaily nebır kesek sözder aityldy.
Amanǧali QALJANOV
